Միքայելյանն ու Աղազարյանը վիճել են ԱԺ-ում՝ ֆիդայականության մասին վերջինիս ռեպլիկից հետո

Միքայելյանն ու Աղազարյանը վիճել են ԱԺ-ում՝ ֆիդայականության մասին վերջինիս ռեպլիկից հետո

PanARMENIAN.Net - Պետք է ազատվել «new ֆիդայականությունից»: Այս մասին ԱԺ քառօրյայի ժամանակ ասել է «Իմ քայլը» խմբակցության պատգամավոր Հովիկ Աղազարյանը «Հարկային օրենսգրքում լրացում կատարելու մասին» օրենքի նախագիծը ԱԺ օրակարգում ընդգրկելու մասին քննարկման ժամանակ: Աղազարյանը մասնավորապես նշել է, որ սահմանի վրա կատարվող դեպքերի ժամանակ թիկունքից մատակարարվող օգնությունը պետք է համակարգվի պետական կառույցների միջոցով:

«Եթե սահմանի վրա դեպքեր են տեղի ունենում դեպքեր, և զինվորը տեսնում է որ մեկը բերեց «տուշոնկա, տանկ, հաց ու կալբաս, կասի բա պետությունը ո՞ւր է, կանհանգստանա և խուճապի կմատնվի: Դրա համար ամեն ինչ պետք է արվի պետական կառույցների ճանապարհով»,-ասել է Աղազարյանը:

Այս դիտարկմանն արձագանքել է «Իմ քայլը» խմբակցության մեկ այլ պատգամավոր, Երկրապահ կամավորական միության նախագահ Սասուն Միքայելյանը՝ շեշտելով, որ բանակը հզոր է տնտեսությամբ:

«Եկեք ոչ մեկի ոչ մի բանի հետ չհամեմատենք, բնական է, ամեն ինչ պետք է գա օրենքի դաշտ, և գիտեք, որ միանգամից գնաց ֆրոնտ կամ առանց հարկի գնաց, սխալ է, հարկն էլ, որ գա, էլի բանակին է օգուտ, տնտեսությանը: Բանակն էլ հզոր է տնտեսությամբ, ես կողմ եմ, բայց պարոն Աղազարյան ֆիդայինները էս երկրում...մի՛ համեմատեք, մենք միշտ ուզում ենք քաղաքականությունից տարանջատենք ֆիդայական շարժումը կամ «Երկրապահը», դուք միշտ բերում միացնում եք: Նման բան չի կարելի անել, չի կարելի այդքան ցածրացնել, էդ ֆիդայիններն են, որ «թուրքի մաման լացացրին», հասկանո՞ւմ ես, 700 տարի հետո և ծնկի բերին»,-ասել է Միքայելյանը:

«Հարկային օրենսգրքում լրացում կատարելու մասին» օրենքի նախագիծը 37 կողմ և 66 դեմ ձայներով չընդգրկվեց ԱԺ օրակարգում:

 Ուշագրավ
ՀՀԿ գործունեությունը միտված է բացառապես ազգային և պետական շահի պաշտպանությանը
Դեկտեմբերի 4-ին կհանդիպեն Հայաստանի և Ադրբեջանի արտաքին գործերի նախարար Զոհրաբ Մնացականյանը և Էլմար Մամեդյարովը:
Նա նշել է, որ ՌԴ-ն ՀՀ-ին դիտարկում է որպես դաշնակից և հարձակման ժամանակ կգործարկվեն ՀԱՊԿ-ով նախատեսված մեխանիզմները
ԱԺ աշխատակազմի ղեկավարի նախկին տեղակալ Արսեն Բաբայանիհեռախոսազանգերի արգելքի մասին հարցը հատուկ քննչական ծառայությունում չեն մեկնաբանում: