ՇՎԵՑԱՐԱԿԱՆ ԸՆԿԵՐՈՒԹՅՈՒՆԸ «ԱՐԱՐԱՏՑԵՄԵՆՏ» ՁԵՌՆԱՐԿՈՒԹՅԱՆ ՀԱՄԱՐ ԱՌԱՋԱՐԿՈՒՄ Է ԸՆԴՀԱՆՈՒՐ ԱՌՄԱՄԲ 28 ՄԻԼԻՈՆ ԴՈԼԱՐ

PanARMENIAN.Net - «Արարատցեմենտ» ձեռնարկության սեփականաշնորհման միակ հավակնորդը շվեցարական «Հոլսիմ» ընկերությունն է, որը մրցույթին մասնակցելու հայտ է ներկայացրել: Ձեռնարկության լրիվ վերահսկման համար շվեցարացիները առաջարկում են վճարել վեց միլիոն դոլար եւ եւս չորս միլիոն` հողատարածքի համար, որի վրա գտնվում է գործարանը: Եվս վեց միլիոն հավանական գնորդը մտադիր է տրամադրել սոցիալական ծրագրերի իրականացմանը: Բացի այդ «Հոլսիմ»-ը պարտավորվում է վեց տարվա ընթացքում ձեռնարկության զարգացան մեջ ներդնել 12 միլիոն դոլար, ինչպես նաեւ ապահովել ոչ պակաս, քան 6000 աշխատատեղ: Մրցույթի անցկացման հարցերով հանձնաժողովի այսօր կայացած նիստին պետական գույքի կառավարման նախարար Դավիթ Վարդանյանը հայտնեց, որ ընկերության կողմից առաջարկվող պայմանները մեկ շաբաթվա ընթացքում մանրամասնորեն կքննարկվեն համապատասխան նախարարություններում, որից հետո կընդունվի վերջնական որոշում:

Հիշեցնենք, որ մրցույթին մասնակցելու հայտ էր ներկայացրել նաեւ մեկ բրիտանական ընկերություն: Սակայն, նրա հայտը անվավեր է ճանաչվել, քանի որ այն չիրականացրեց մրցույթին մասնակցելու համար անհրաժեշտ կանխավճարը:

Լրատվության արտատպելու, կամ օգտագործելու դեպքում հղումը "PanARMENIAN.Net -ի վրա պարտադիր է:
 Ուշագրավ
Նալբանդյանն ավելի վաղ համաձայնել էր տեսակապով զրուցելուն
Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին
«Իմ քայլը» խմբակցության ղեկավարն իրենց անունից ներողություն է խնդրել միջադեպի համար
Քրեադատավարական գործընթացն արդեն սկսվել է, նախապատրասվում են նյութեր