Արամ Կարապետյանը գտնում է, որ Յուրի Լուժկովի պաշտոնանկությունը կարող է ազդել Հայաստանի ներքաղաքական իրավիճակի վրա

Արամ Կարապետյանը գտնում է, որ Յուրի Լուժկովի պաշտոնանկությունը կարող է ազդել Հայաստանի ներքաղաքական իրավիճակի վրա

PanARMENIAN.Net - Հայաստանի ներքաղաքական դաշտը գնալով առավել ընդդիմադիր է դառնում և դրա համար կան բոլոր նախադրյալները՝ գնաճ, ծանր սոցիալական ու տնտեսական իրավիճակ: Այդ մասին Երևանում կայացած մամլո ասուլիսում հայտարարել է «Նոր ժամանակներ» կուսակցության նախագահ Արամ Կարապետյանը:

Ըստ նրա, Հայաստանում կան բոլոր օբյեկտիվ պայմանները արտահերթ ընտրությունների համար, սակայն մինչ օրս դա տեղի չի ունեցել, քանի որ սուբյեկտիվ պայմանները բավարար չեն: «Իսկ սուբյեկտիվ պայմաններն են միավորված ընդդիմության, խարիզմատիկ առաջնորդի և քաղաքկան կամքի առկայությունը»,-ասել է Կարապետյանը:

Նա նշել է նաև, որ Հայաստանում ընտրությունների միջոցով անհնար է հասնել իշխանափոխության, սակայն, այնուամենայնիվ, հարկավոր է մասնակցել ընտրություններին,որպեսզի հետընտրական իրավիճակի միջոցով հնարավոր լինի փոխել իրավիաճկը: Հայաստանի այժմյան կուսակցական համակարգն այնպես է այլասերվել, որ կուսակցական միավորումները չեն կարող ապահովել իշխանափոխությունը: Պետք է ստեղծել մի կառույց, որը կմիավորի հանրության հետ աշխատող մարդկանց»,-ասել է Կարապետյանը:

Մեկնաբանելով Մոսկվայի քաղաքագետ Յուրի Լուժկովի պաշտոնանկությունը, Արամ Կարապետյանը նշել է, որ դա կարող է ազդել Հայաստանի ներքաղաքական իրավիճակի վրա: «Յուրի Լուժկովը հայ ղեկավարության բիզնես գործընկերն է, նրա միջոցով էր իրականացվում քաղաքական լոբբինգը ՌԴ-ում: Այժմ, երբ Լուժկովն արդեն քաղաքապետ չէ, հայ գործարարների ներդրումները Մոսկվայում սպառնալիքի տակ են, ինչը համապատասխանաբար կանդրադառնա Հայաստանի ներքաղաքական իրավիճակի վրա»,-ասել է նա:

 Ուշագրավ
Նալբանդյանն ավելի վաղ համաձայնել էր տեսակապով զրուցելուն
Ըստ ԼՀԿ-ի՝ միջադեպը և դրան հաջորդած մեկնաբանությունները վկայում են կառավարող թիմի անհանդուրժողականության մասին
«Իմ քայլը» խմբակցության ղեկավարն իրենց անունից ներողություն է խնդրել միջադեպի համար
Քրեադատավարական գործընթացն արդեն սկսվել է, նախապատրասվում են նյութեր