ՀՀ-ում ԱՄՆ դեսպանատունը նախատեսվածից շուտ է սկսել մինչև 10 տարով վիզաներ տրամադրել22 դեկտեմբերի 2014 - 16:18 AMT PanARMENIAN.Net - Հայաստանում Ամերիկայի Միացյալ Նահանգների դեսպանատունը 10 տարի վավերականությամբ տուրիստական ու գործնական վիզաների թողարկումը նախատեսվածից ավելի վաղ է սկսում՝ այսօրվանից, դեկտեմբերի 22-ից: ՀՀ Կառավարությունը դեկտեմբերի 10-ի իր նիստում որոշել էր հունվարի 1-ից ԱՄՆ քաղաքացիների համար առանց մուտքի վիզայի այցելությունների ռեժիմ սահմանել: Միացյալ Նահանգների քաղաքացիների նկատմամբ մուտքի վիզայի պահանջի վերացումը պայմանավորված է Հայ-ամերիկյան միջկառավարական նիստի արդյունքում ստորագրված գործողությունների ծրագրով: Ծրագրի 28-րդ կետով նախատեսվում էր, որ երկու կողմը կվերջնականացնեն վիզայի ազատականացման գործընթացը` հաստատելով ազատ վիզայի ռեժիմ ԱՄՆ քաղաքացիների համար, ինչպես նաև 10 տարի բազմակի մուտքի վիզա Հայաստանի քաղաքացիների լայն շերտի համար: Ըստ դեսպանատան տարածած հաղորդագրության, B տեսակի ոչ ներգաղթային վիզայի համար դիմած Հայաստանի քաղաքացիները կարող են ստանալ բազմակի մուտքի մինչև 10 տարի վավերականությամբ վիզաներ՝ գործնական ու տուրիստական ուղևորությունների համար: F, M կամ J տեսակի վիզաներ ստանալու իրավասություն ունեցող փոխանակման ծրագրերի մասնակիցներն ու նրանց խնամքի տակ գտնվող անձինք այսուհետ բազմակի մուտքի մինչև 5 տարի վավերականությամբ վիզաներ կստանան: Վիզայի համար կատարվող վճարումների չափը չի փոխվել: Մինչև 10 տարի ժամկետով վիզաները նախատեսված են որոշ կատեգորիաների գործարարների, զբոսաշրջիկների համար, մինչև 5 տարի ժամկետով՝ որոշ կատեգորիաների աշխատանքային վիզաներ են, նաև նախատեսված ուսանողների, գիտնականների համար: Այն մասին, որ ԱՄՆ-ն ՀՀ հետ պայմանագիր կստորագրի, որը կդյուրացնի ԱՄՆ մուտքի վիզա ստանալու գործընթացը, հայտարարվել էր դեռ ընթացիկ տարվա մայիսին: Ինչպես ներկայացրել էր ԱԳ փոխնախարար Սերգեյ Մանասյանը, պայմանագիրը լինելու է այնպիսին, ինչպիսինն ԱՄՆ-ն ստորագրել էր ԵՄ երկրների հետ: Կարդացեք նաև՝Պարզաբանում. ԱՄՆ մուտքի վիզայի տրամադրման կարգը և միջնորդավճարը չեն փոխվել Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |