Ձմռան առաջին weekend-ը. Համերգներ, փարթիներ, Էլ Կլասիկո և ֆիլմեր 3 դեկտեմբերի 2016 - 17:57 AMT PanARMENIAN.Net - Ձմեռը, ինչպես միշտ, եկավ «անսպասելի»: Եղանակն այդքան էլ լավը չէ, սակայն օդում արդեն իսկ զգացվում է տոնական տրամադրությունը. Հանրապետության հրապարակի մեծ եղևնին հավաքում են, քաղաքի փողոցները զարդարում են, խանութներում ամանորյան նվերներ գնողների հերթեր են գոյանում: PanARMENIAN.Net -ն առաջարկում է հնարավորինս հետաքրքիր անցկացնել ձմռան առաջին weekend-ը: Այդ նպատակով ձեզ ենք ներկայացնում մի քանի տարբերակ հանգստյան օրերն առավել ուրախ ու տպավորիչ դարձնելու համար: Համերգներ
Դեկտեմբերի 4-ին «Արամ Խաչատրյան» համերգասրահում կկայանա ԽՍՄՀ ժողովրդական արտիստ Իոսիֆ Կոբզոնի համերգը: ՌԴ ժողովրդական արտիստ դաշնակահար Ալեքսեյ Եվսյուկովի նվագակցությամբ երգիչը կկատարի հայ մեծ կոմպոզիտորներ Առնո Բաբաջանյանի, Միքայել Թարիվերդիևի, Ալեքսեյ Հեքիմյանի, Անդրեյ Բաբաևի և այլոց հայտնի ու սիրված երգերը: Կազմակերպիչները նշում են, որ համերգի հասույթը կփոխանցվի «Նվիրիր կյանք» բարեգործական հիմնադրամին: «Կամի» երաժշտական ակումբում դեկտեմբերի 3-ին Big Blues Night միջոցառման շրջանակներում ելույթ կունենան JC Smith-ն ու Արտակ Ներսիսյանը: Երեկոյի սկիզբը՝ ժամը 21:30-ին: Դեկտեմբերի 4-ին «Կամի» երաժշտական ակումբում հանդես կգան Սրբուհի Սարգսյանն ու Allusion Band-ը: Երեկոյի սկիզբը՝ ժամը 21:30-ին, տոմսի արժեքը՝ 3000 դրամ: Դեկտեմբերի 3-ին «Էնոտեկա» գինու բարում ելույթ կունենա Miqayel Voskanyan & friends բենդը: Երեկոյի ընթացքում կհնչեն ջազ ֆոլկ կատարումներ, առաջին ալբոմից սիրված գործեր, խմբի կողմից մշակած հայկական ֆոլկ երգեր: Երեկոն կսկսվի ժամը 20:30-ին, տոմսերի արժեքը՝ 2000 դրամ: Դեկտեմբերի 4-ին Club 12-ում ելույթ կունենան Ամիրյան Միշն ու Funkabout բենդը: Երաժշտությունը կապահովի Արման Փահլևանյանը: Երեկոյի սկիզբը՝ ժամը 21:30: Փարթիներ
Jose Lounge Bar-ում դեկտեմբերի 3-ին տեղի կունենա Glow Dance Night նեոնային երեկոն, որի ընթացքում հանդես կգա M.H.P Dance Studio պարային համույթը: Երեկոյի երաժշտությունը կապահովի դիջեյ Play-ը, կենդանի կատարումներով հանդես կգան George-ը և Rippi-ն: Փարթիի սկիզբը՝ ժամը 20:00-ին, տղաների համար մուտքի արժեքը 2000 դրամ է, աղջիկների մուտքը՝ անվճար: Դեկտեմբերի 3-ին Downtown ակումբում տեղի կունենա Open Space փարթին: Միջոցառման ընթացքում երաժշտությունը կապահովեն չորս դիջեյներ: Փարթին կսկսվի ժամը 21:00-ից, մուտքն ազատ է: Դեկտեմբերի 4-ին Paparazzi Cafe-ում տեղի կունենա Trian People vol.3 փարթին, որի ընթացքում կնվագեն վեց դիջեյներ: Փարթին կսկսվի ժամը 15:00-ին և կշարունակվի մինչև կեսգիշեր: Մինչև 17:00 մուտքն ազատ է: Էլ Կլասիկոն երևանյան փաբերում
Էլ Կլասիկոն կամ Իսպանիայի Դերբին սովորաբար հեռուստաէկրանների մոտ է հավաքում բոլոր ֆուտբոլասերներին: Դեկտեմբերի 3-ին, ժամը 19:15-ին Իսպանիայի առաջնություն 14-րդ տուրի շրջանակներում կսկսվի «Բարսելոնա» – «Ռեալ» խաղը: «Բարսելոնան» ու «Ռեալը» պաշտոնական խաղերում հանդիպել են 235 անգամ (ևս 31 անգամ ընկերական խաղերում, որոնցում «կապտանռնագույններն» ահռելի առավելություն ունեն): Այդ 235 հանդիպումներում 94 անգամ հաղթել է «Ռեալը», 48 մրցավեճ ավարտվել է ոչ-ոքի արդյունքով, 93 անգամ էլ առավելության է հասել «Բարսելոնան»: Այդպիսի նշանակալի խաղերն էլ ավելի հաճելի է նայել ընկերների շրջապատում և մեծ էկրանին: Առաջարկում ենք այցելել Bridge, 007, Falcon կամ Station փաբերը, որտեղ կարող եք վայելել «Բարսելոնա» – «Ռեալ» խաղը: Կինոսերների համար
Աշունը լավ եղանակ է կինո դիտելու համար: Ուստի առաջարկում ենք այցելել «Սինեմա Սթար» և «ԿինոՊարկ» կինոթատրոններ, որտեղ ցուցադրվում են հետևյալ ֆիլմերն ու մուլտֆիլմերը. «Երկրաշարժ» (Earthquake), «Դաշնակիցները» (Allied), «Վատ Սանտան 2» (Bad Santa 2), «Մոանա» (Moana), «Ոդիսաական» (L'odyssée), «Գերբնական գազաններ, և որտեղ են բնակվում նրանք» (Fantastic beasts and where to find them), «Ուրիշ աշխարհ: Արյան կռիվ» (Underworld: Blood Wars), «28 պանֆիլովականները» (28 панфиловцев), «18+ Դե Տժժա» (18+ Party Up!), «Կյանք ու կռիվ» (The Line): Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ նախագահ․ Դրական եմ վերաբերվում, եթե ՀՀ–ն գազ գնի Ադրբեջանից Ըստ նրա՝ սահմանին սյուն տեղադրելը նշանակում է, որ Հայաստանն ու Ադրբեջանն իրարից տարածքային պահանջներ չունեն Զախարովա․ՌԴ–ն պատրաստ է աջակցել ՀՀ–ին և Ադրբեջանին սահմանազատման և ԼՂ հուշարձանների պահպանման հարցերում «Պայմանավորվածությունները պետք է լինեն կայուն, հավասարակշռված և փոխընդունելի»,–ասել է նա Վաշինգտոնում կայացել է ամենամյա Արդարության երթը Երթի մասնակիցներն Ադրբեջանի դեսպանատան մոտից քայլել են դեպի Թուրքիայի դեսպանատուն, հետո դեպի Սպիտակ տուն Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է |