Երևան քաղաքի կենտրոնում «Ձերբազատվենք էժանագին դիմակներից» խորագիրը կրող ֆլեշ-մոբ տեղի ունեցավ

Երևան քաղաքի կենտրոնում «Ձերբազատվենք էժանագին դիմակներից» խորագիրը կրող ֆլեշ-մոբ տեղի ունեցավ

PanARMENIAN.Net - Մարտի 29-ին` ժամը 16:00-ի սահմաններում, «Երիտասարդական Աշխարհ» հասարակական կազմակերպությունն իրականացրեց ֆլեշ-մոբ` «Ձերբազատվենք էժանագին դիմակներից» խորագրով: Քաղաքի կենտրոնում` Օպերային հարող փողոցներից, շուրջ 50 երիտասարդներ դիմակներով քայլեցին դեպի Հյուսիսային պողոտայի սկզբնամաս: Երիտասարդները կրում էին հետևյալ գրություններով դիմակներ` «Ես կեղծ մտավորական եմ», «Ես ծախված ընտրող եմ», «Ես անպիտան բժիշկ եմ», «Ես տուրիստ գցող եմ», «Ես 30 րոպեանոց գովազդ եմ», «Ես գլամուռ եմ», «Ես կեղծ հայրենասեր եմ», «Ես քյառթու եմ» և այլն: Շուրջ 50 նմանատիպ խոսքերով փորձ արվեց ցույց տալ հասարակության մեջ առկա էժանագին բարքերը և վնասակար սովորությունները:

Վերջում երիտասարդներն այրեցին բոլոր դիմակները` ի նշան այն բանի, որ անհրաժեշտ է ձերբազատվել նման կեղծ և վնասակար դիմակներից և նպաստել հասարակության բարեփոխմանը, հաղորդում է ԵԱՀԿ լրատվական բաժինը:

 Ուշագրավ
Նախարարը կոչ է արել ինքնաբուժմամբ չզբաղվել և հետևել միայն բժիշկների խորհուրդներին
ՀՀ-ի գերխնդիրն այս պահին այն է, որ առողջապահական համակարգը կարողանա ապահովել հիվանդների սպասարկման հարցը
Վարչապետի խոսքով՝ ձեռքերի կանոնավոր լվացման, դիմակի կրման և սոցիալական հեռավորության պահպանման դեպքում համաճարակային իրավիճակը ոչ միայն կբարելավվի, այլ նաև կձգտի 0-ի
Մանկապարտեզները վերաբացվելու են մայիսի 20-ից