Երևանի Գարեգին Նժդեհի անվան թիվ 161 դպրոցում անցկացվեց «Գարեգին Նժդեհի գաղափարակիրը» միջոցառումը 3 մայիսի 2011 - 20:15 AMT PanARMENIAN.Net - Մայիսի 3-ին Հայաստանի սփյուռքի նախարարության նախաձեռնությամբ Երևանի Գարեգին Նժդեհի անվան թիվ 161 հիմնական դպրոցում «Մեր մեծերը» ծրագրի շրջանակներում «Գարեգին Նժդեհի գաղափարակիրը» խորագրի ներքո անցկացվեց հերթական միջոցառումը: Համահայկական ծրագրերի վարչության մշակույթի, սպորտի և երիտասարդության բաժնի պետ Գ. Մնացականյանը բացման խոսքում նշեց, որ Հայաստան-Սփյուռք գործակցության պետական քաղաքական ծրագրի շրջանակներում ՀՀ սփյուռքի նախարարությունը 2009 թվականից իրականացնում է «Մեր մեծերը» ծրագիրը: Վերջինիս շրջանակներում բազմաթիվ միջոցառումներ են կազմակերպվում թե հայաստանյան, թե սփյուռքյան հայկական դպրոցներում: Միջոցառմանը ելույթ ունեցավ պատմական գիտությունների թեկնածու, Հայաստանի ազգային արխիվի փոխտնօրեն Էդգար Հովհաննիսյանը: Վերջինս ամենայն մանրամասնությամբ ներկայացրեց Գարեգին Նժդեհի գաղափարախոսությունը` անդրադառնալով Հայրենիքի նկատմամբ անմնացորդ սիրո, ցեղապաշտության, արյան մաքրության, ուժի պաշտամունքի և այլ դրվագների: «Դպրոցում կազմակերպվող բոլոր միջոցառումները` անկախ իրենց բնույթից, միահյուսվում են Նժդեհի գաղաղափարախոսությանը: Նժդեհյան գաղափարախոսությունը թևածում է մեր դպրոցում»,- ասել է դպրոցի պատմության ուսուցչուհի Թերեզա Գասպարյանը` ավելացնելով, որ նախկինում անգլերեն լեզվի խորացված ուսուցմամբ հ.161 դպրոցը 2001թ.` Գարեգին Նժդեհի 115-ամյակի կապակցությամբ, վերանվանվել է վերջինիս անունով: Միջոցառման ավարտին աշակերտներին ներկայացվեցին դրվագներ ռեժիսոր Վարդան Օնանյանի «Առաջին այրերը» ֆիլմից: Եզրափակիչ խոսքով հանդես եկավ դպրոցի տնօրեն Մուշեղ Սինանյանը` հույս հայտնելով, որ դպրոցի սաները դպրոցում ստացած գիտելիքները կօգտագործեն ի շահ Հայրենիքի, հաղորդում է ՀՀ սփյուռքի նախարարության մամլո ծառայությունը: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով Ադրբեջանում ևս մեկ լրագրող է ձերբակալվել Հոդվածն այն մասին էր, որ Ալիևը մասնակցում է օտարերկրյա դրամաշնորհների ապօրինի ստացմանը Լավրով․ ՀՀ–ին բոլորից ձեռնատու է ԵվրԱզԷՍ–ը, հաշված է Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունի CFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականին |