«Ժառանգությունը» հանդիպել է «Պահանջում ենք գիտության ֆինանսավորման ավելացում» խմբի ներկայացուցիչների հետ 4 մայիսի 2011 - 20:40 AMT PanARMENIAN.Net - Վերջերս FaceBook սոցիալական ցանցում ձևավորված «Պահանջում ենք գիտության ֆինանսավորման ավելացում» խմբի ներկայացուցիչները` ակադեմիկոս Արթուր Իշխանյանը, Խաչիկ Գևորգյանը ու այլ երիտասարդ գիտնականներ և «Ժառանգություն» կուսակցության պատգամավորներ Անահիտ Բախշյանը, Արմեն Մարտիրոսյանը, դոկտոր, պրոֆեսոր Ռաֆիկ Հակոբյանը և կուսակցության մի շարք երիտասարդ ակտիվիստներ մայիսի 4-ին հանդիպեցին նախաձեռնության առաջ քաշած հարցերը քննարկելու նպատակով: Կողմերը իրենց մտահոգությունն արտահայտեցին Հայաստանում գիտության ներկայիս աղետալի վիճակի և հատկապես Կառավարության կողմից երիտասարդ գիտնականների հանդեպ անմարդկային ու հակապետական վերաբերմունքի կապակցությամբ: Օրինակ` նշվեց, որ բազմաթիվ տաղանդաշատ երիտասարդ գիտնականներ չափազանց ցածր աշխատավարձերի պատճառով (երբեմն` 28 000 դրամ) լքում են հայրենիքը: Գիտնականների միջին տարիքը վերջին 10 տարիների ընթացքում աճել է 10 տարով և այժմ հասնում է 57-58 տարեկանի: Այս աղետալի տեմպերով շուտով գիտությունը Հայաստանում կարող է բառացիորեն ֆիզիկապես դադարել գոյություն ունենալուց: Այսօր աշխարհում գիտնականների միջին մասնաբաժինը 1 մլն բնակչի հաշվով կազմում է 3500 մարդ, մինչդեռ Հայաստանում այդ ցուցանիշը ընդամենը 1500 է: Հայաստանում նաև չեն կիրառվում գիտության բնագավառին վերաբերող միջազգային չափանիշները: Անգամ չկա օրենք փորձաքննության մասին: Խմբի անդամները տեղեկացրեցին նաև, որ FaceBook-ում տեղադրել են 14 հեղինակային ծրագրերի հակիրճ նկարագրությունները: «Ժառանգության» ներկայացուցիչները նշեցին, որ կուսակցությունն իր ողջ գործունեության ընթացքում հետևողականորեն բարձրացրել է գիտության ֆինանսավորման ավելացման խնդիրը: Մասնավորապես, կուսակցության նախընտրական ծրագրում նշված է, որ այն պետք է հասցվի ՀՆԱ-ի 3%-ի մակարդակին: Նախընտրական ծրագրում, ինչպես նաև կուսակցության հիմնարար ծրագրում, մանրամասնորեն ամրագրված են նաև գիտության զարգացմանն ուղղված այլ առաջնահերթություններ և մեխանիզմներ: Այս ամենի մասին կարելի է տեղեկանալ հետևյալ հասցեներով: 2011թ. բյուջեում «Ժառանգություն» խմբակցությունն առաջարկել է գիտությանը հատկացվող գումարը բյուջեի 0,98%-ի փոխարեն դարձնել 1.5%, գիտնականների աշխատավարձը կրկնապատկել և, վերջապես, կենսաթոշակի անցած գիտնականների համար սահմանել «Գիտական և գիտատեխնիկական գործունեության մասին» 2000թ.-ին ընդունված ՀՀ օրենքով նախատեսված հավելավճարները: «Պահանջում ենք գիտության ֆինանսավորման ավելացում» խմբի ոչ կուսակցական ներկայացուցիչները բարձր գնահատեցին «Ժառանգության» ջանքերը` ուղղված ամենաբարձր ամբիոններից և ԶԼՄ-ներով հայրենի գիտության հիմնախնդիրների բարձրաձայնմանը, ինչպես նաև կուսակցության օրենսդրական նախաձեռնությունները: Սա խմբի ներկայացուցիչների առաջին նմանատիպ հանդիպումն էր որևէ քաղաքական կուսակցության հետ: Խումբը որոշել է առաջիկա օրերին հանդիպումներ ունենալ նաև այլ կուսակցությունների հետ, հաղորդում է «Ժառանգություն» կուսակցության լրատվական ծառայությունը: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |