  Հակառակ իր նախնական մտադրությանը Սերժ Թանկյանը կհանդիպի լրագրողների հետ   12 օգոստոսի 2011 - 15:19 AMTPanARMENIAN.Net - Օգոստոսի 15-ին ամերիկահայ երգիչ և երգահան Սերժ Թանկյանը ԶԼՄ-ների և հասարակական կազմակերպությունների ներկայացուցիչների հետ կունենա հանդիպում նվիրված իր քաղաքացիական-հասարակական գործունեությանը։ Այս մասին PanARMENIAN.Net ի թղթակցին տեղեկացրեց Սերժ Թանկյանի երևանյան համերգի կազմակերպիչ «Դիիմ Քոմյունիքեյշնզ» ընկերության PR-ի և հատուկ միջոցառուների բաժնի ղեկավար Մարիամ Մովսիսյանը։ Վերջերս Մարիամ Մովսիսյանը հայտնել էր, որ Սերժ Թանկյանը ասուլիսի փոխարեն հանդես կգա այլ ձևաչափով, քանի որ ընդհանրապես Թանկյանն իր շրջագայությունների ընթացքում հազվադեպ է ասուլիսներ տալիս: Այժմ Թանկյանը ընդունել է քաղաքացիական-հասարակական գործունեության թեմայով հանդիպման առաջարկը: Հանդիպումը կտևի 1 ժամ, որի ընթացքում լրագրողները կարող են երգչին դիմել նրա քաղաքացիական-հասարակական գործունեության հետ կապված հարցերով։ Թանկյանը բարձրաձայնում է այնպիսի խնդիրներ, ինչպիսիք են սոցիալական անարդարությունը, ցեղասպանությունների ճանաչումը, բնության պահպանությունը և կենդանիների շահերի պաշտպանությունը։ Հանդիպումը կազմակերպել են «Կանաչաստան» ՀԿ-ն և Սիվիլիթաս հիմնադրամը՝ ԱՄՆ միջազգային զարգացման գործակալության և «Քաունթերփարթ ինթերնեյշնլի» Հայաստանյան ներկայացուցչության աջակցությամբ։ Սերժ Թանկյանն օգոստոսի 14-ին մենահամերգով հանդես կգա Թումո ստեղծարար տեխնոլոգիաների կենտրոնի բացման միջոցառումների շրջանակում։ Համերգը կանցկացվի Թումոյի բակում՝ բացօթյա և անվճար: Սերժ Թանկյանը արդեն մենահամերգով հանդես է եկել Երևանում 2010-ի ամռանը, իսկ System of a Down խումբը, միավորվելով 2011 թվականին, սկսել է իր համերգաշրջանը Եվրոպայում:  Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
