6 տուրերից հետո Լևոն Արոնյանը շարունակում է գլխավորել Տալի հուշամրցաշարըՆոյեմբերի 4-11-ի գլխավոր մարզական իրադարձությունների ամփոփում Շախմատ. FIDE-ն հրապարակել է շախմատիստուհիների ցուցակը, որոնք դեկտեմբերի 2-ից թուրքական Հաթայ քաղաքում կմասնակցեն ԱԱ-ին: Առաջնությունում, որը տեղի է ունենալու նոկաուտ համակարգով, կմասնակցեն հայ շախմատիստներ Լիլիթ Մկրտչյանը և Էլինա Դանիելյանը: Առաջին փուլում Մկրտչյանը կհանդիպի Քսիաովեն Ժանգի հետ (Չինաստան), իսկ Դանիելյանը` Տատյանա Շադրինայի հետ (Ռուսաստան): 11 նոյեմբերի 2010 PanARMENIAN.Net - Բելգորոդում նոկաուտ-համակարգով շարունակվում է 2010-ի Ռուսաստանի գավաթը: Հայ գրոսմաստեր Զավեն Անդրիասյանը հաջող ելույթներից հետո անցել է 3-րդ փուլ, որտեղ նրա մրցակիցն է Սանան Սյուգիրովը (Ռուսաստան): Իրենց առաջին խաղում շախմատիստները կիսել են միավորները և հաշիվը հավասար է` 0.5:5: Շախմատիստներն անցկացնելու են ևս մեկ հանդիպում: Մրցաշարի մրցանակային ֆոնդը կազմում է 1 190 000 ռուբլի: Տալի ավանդական շրջանաձև գրոսմայստերային գերմրցաշարում, որը տեղի է ունենում Մոսկվայում, նոյեմբերի 10-ին կայացել է 5-րդ տուրը: Լևոն Արոնյանը հանդիպել է Սերգեյ Կարյակինին (Ռուսաստան) և ոչ ոքի խաղացել: Արոնյանը 3.5 միավորով շարունակում է գլխավորել մրցաշարային աղյուսակը: 6-րդ տուրում Արոնյանը ոչ ոքի է խաղացել Ալեքսեյ Շիրովի (Իսպանիա) հետ և 4 միավորով գլխավորում է մրցաշարային աղյուսակը: Հուշամրցաշարի ավարտին մնացել է 3 տուր, 7-րդ տուրում Արոնյանը կխաղա Հիկարա Նակամուրայի (ԱՄՆ) դեմ: Բասկետբոլ. Նոյեմբերի 4-ին երևանյան «Հատիս» բասկետբոլային ակումբը Եվրոպայի Գավաթի խմբային փուլում «Միկա» մարզադահլիճում ընդունեց Իսրայելի «Էլիտզուրին»: Խաղի սկիզբը արագ և դինամիկ ստացվեց: «Հատիսի» բասկետբոլիստուհիներն առաջին շրջանի կեսին արդեն ձգտում էին հետ չմնալ և միայն հավասարեցնում էին հաշիվը: Մրցակիցը շատ էր երեքմիավորանոց նետումներ կատարում, ինչը չէր հաջողվում «Հատիսին»: Առաջին շրջանն ավարտվեց 19:21 հաշվով` հօգուտ «Էլիտզուրի»: Երկրորդ շրջանում «Հատիսի» բասկետբոլիստուհիները շատ էին հարձակվում, բայց կարողացան ընդամենը 11 միավոր հավաքել: Թիմի առաջին երեքմիավորանոց նետումը շրջանի կեսերին կատարեց Ամանդա Ջեքսոնը: «Էլիտզուրի» առավելությունն աճում էր, և երկրորդ շրջանի ավարտին նրանք առաջ էին 10 միավորով` 30:40: Երրորդ շրջանում «Հատիսը» 5 միավորով կրճատեց տարբերությունը: Շրջանն ավարտվեց 50:55 հաշվով` հօգուտ հակառակորդի: Չորրորդ շրջանում Գիա Ղազանչյանի սաներին հաջողվեց տարբերությունն ընդամենը երկու միավորի հասցնել, բայց հետո նրանք կրկին գնդակներ բաց թողեցին և 69:82 հաշվով զիջեցին: F խմբում «Հատիսը» հաջորդ հանդիպումը կանցկացնի «Դինամո-ԳՈՒՎԴ»-ի հետ նոյեմբերի 18-ին Երևանում: «Կներեք, որ այս անգամ այսպես ստացվեց: Խաղը հավասար էր, այն պահին, երբ մեր առաջատար խաղացող Էրիկա Դևիսը հուսահատվեց, հուսահատվեց նաև ողջ թիմը և չգտնվեց խաղացող, որը նրան արժանի փոխարինող կլիներ և իր հետևից կտաներ թիմը»,- ասաց «Հատիսի» գլխավոր մարզիչ Գիա Ղազանչյանը Եվրոգավաթի խմբային փուլում իսրայելական «Էլիտզուրից» 69:82 հաշվով կրած պարտությունից հետո: Միակ սփոփիչ փաստը Ղազանչյանի համար այն է, որ «Հատիսն» այս խաղում ավելի լավ խաղաց, քան մեկ շաբաթ առաջ «Դինամո-ԳՈՒՎԴ»-ի հետ, որին զիջեց 79:50 հաշվով: «Ռուսական թիմն ավելի թույլ է այս թիմից, և հաղթանակի դեպքում, նույնիսկ եթե մենք խմբում զբաղեցնենք 3-րդ տեղը, կկարողանանք դուրս գալ փլեյ-օֆ»,- հավելեց Ղազանչյանը: «Հատիս»-«Էլիտզուր» խաղից հետո իսրայելյան թիմի գլխավոր մարզիչ Ադան Ինբարն ասաց, որ երկու թիմերի համար էլ խաղը դժվար էր: «Մենք ավելի ուժեղ էինք երկու քառորդներում, իսկ հայկական թիմը լավ խաղ ցույց տվեց վերջին քառորդներում և գրեթե կարողացավ հավասարեցնել հաշիվը, սակայն իմ սաները ճիշտ խաղացին, վերցրեցին խաղն իրենց ձեռքն ու կարողացան հաղթել»,-ասել է Ինբարը: Ըստ գլխավոր մարզչի, F խումբը, որտեղ հանդես են գալիս երկու թիմերը, ամենադժվարն է, քանի որ բոլոր երեք թիմերը փլեյ-օֆ դուրս գալու լավ շանսեր ունեն. «Հատիսի» հետ հանդիպումից առաջ մենք դիտեցինք այդ թիմի խաղերի տեսագրությունները և գիտեինք, որ խաղը հեշտ չի լինելու: Կարծում եմ, հայկական թիմն ամեն ինչ կանի հաջորդ խաղում հաղթելու համար և կփորձի դուրս գալ խմբից»: F թիմում բոլոր թիմերն ունեն երկուական միավոր: «Դինամո-ԳՈՒՎԴ», «Էլիտզուրն» ու Հատիսը գրավում են համապատասխանաբար 1-3 տեղերը: Թենիս. Թենիսի միջազգային ասոցիացիան (ATP) նոյեմբերի 8-ին, Swiss Indoors Basel-2010 մրցաշարի ավարտից հետո, հրապարակել է աշխարհի ուժեղագույն թենիսիստների հերթական վարկանիշը: Դավիթ Նալբանդյանը նախորդ վարկանիշի համեմատ 4 հորիզոնականով բարելավել է իր դիրքը ATP վարկանիշում և 1435 միավորով զբաղեցնում է 25-րդ տեղը: Վարկանիշային աղյուսակը շարունակում է գլխավորել US Open 2010 հաղթող Ռաֆայել Նադալը (Իսպանիա), նա ունի 11810 միավոր, Ռոջեր Ֆեդերերը (Շվեյցարիա) բարձրացել է 2-րդ տեղը՝ վաստակելով 7695 միավոր, 3-րդ տեղում է սերբ թենիսիստ Նովակ Ջոկովիչը 6945 միավորով: Նոյեմբերի 10-ին Փարիզում ընթացող «Մաստերս» մրցաշարի երկրորդր շրջանում Դավիթ Նալբանդյանը հանդիպել է շոտլանդացի Էնդի Մարեյի հետ, որն ազատված էր առաջին շրջանի խաղերից: Առաջին սեթն ավարտվեց ի օգուտ Նալբանդյանի 6:2 հաշվով, երկրորդում ավելի ուժեղ հայտնվեց Մարեյը և հաղթեց 6:4 հաշվով: Վճռական՝ երրորդ սեթում խաղը շատ դժվար էր գնում և Նալբանդյանը փորձում էր հավասարեցնել հաշիվը, սակայն 3:3 հաշվի պայմաններում Մարեյը սկսեց ավելի վստահ գործել և հաղթեց 6:3 հաշվով: Դա թենիսիստների չորրորդ հանդիպումն էր և հաշիվը դարձավ 2:2: Սամբո. Նոյեմբերի 4-ից 8-ը Ուզբեկստանի մայրաքաղաք Տաշքենդում անցկացվում է Սամբոյի աշխարհի առաջնությունը: Մրցումների առաջին օրը` նոյեմբերի 5-ին, մրցագորգ դուրս եկած հայ սամբիստներից Ռուզաննա Սարգսյանը (48կգ), Տիգրան Կիրակոսյանը (52կգ) և Արտակ Ծատինյանը (90կգ) զբաղեցրեցին 5-րդ հորիզոնականը: 74 կգ քաշային կարգում հանդես եկող, Սամբոյի և ձյուդոյի օլիմպիական մանկապատանեկան մարզադպրոցի ԼՂՀ մասնաճյուղի սան Աշոտ Դանիելյանը, հաղթելով բոլոր գոտեմարտերը, նվաճեց ոսկե մեդալ և հռչակվեց մարզական սամբոյի աշխարհի չեմպիոն: Ստեփանակերտցի մարզիկն այս տարվա գարնանը Մինսկում նվաճել էր նաև մարտական սամբոյի Եվրոպայի չեմպիոնի տիտղոսը: Սամբոյի աշխարհի առաջնությունում հանդես եկավ մարտական սամբոյի մրցումների 68 կգ քաշային կարգում գոտեմարտող, Եվրոպայի 2010թ առաջնության արծաթե մեդալակիր Վաչիկ Վարդանյանը, ով, գերազացելով բոլոր մրցակիցներին, կանգնեց պատվո առաջին հարթակին և հռչակվեց հողագնդի չեմպիոն: Ֆուտբոլ. Նոյեմբերի 6-ին կայացան ֆուտբոլի Հայաստանի Բարձրագույն լիգայի 27-րդ տուրի խաղերը: Վազգեն Սարգսյանի անվան հանրապետական մարզադաշտում «Բանանցն» ընդունեց «Կիլիկիային» և Արսեն Բալաբեկյանի գոլի շնորհիվ հաղթեց 1:0 հաշվով: «Ուլիսը» սեփական հարկի տակ ոչ ոքի խաղաց «Շիրակի» հետ` 1:1 և նվաճեց Հայաստանի առաջնության բրոնզե մեդալը: Սևադա Արզումանյանի սաները հավաքեցին 52 միավոր և անհասանելի դարձան «Միկայի» համար: Նոյեմբերի 7-ին կայացավ 27-րդ տուրի հետաձգված հանդիպումը: Վազգեն Սարգսյանի անվան հանրապետական մարզադաշտում «Փյունիկն» ընդունեց «Գանձասարին» և 3:0 հաշվով պարտության մատնեց: Հաղթանակից հետո «Փյունիկը» 62 միավորով գլխավորում է առաջնությունը` «Բանանցից» առաջ անցնելով 1 միավորով, իսկ «Ուլիսն» ապահովել է իրեն բրոնզե մեդալներ: Առաջնության ավարտին մնացել է 1 տուր. «Կիլիկիան» կընդունի «Փյունիկին», «Շիրակը»` «Բանանցին», «Միկան»` «Ուլիսին», «Գանձասարը»` «Իմպուլսին»:
Գոհար Նալբանդյան, Հասմիկ Բաբայան / PanARMENIAN News Ամենաընթերցվողը բաժնում Մասնագետը՝ առողջ ապրելակերպի մասին Ինչու են կանայք ընտրում ֆիթնես և բոդիբիլդինգ Լավագույն app-երը՝ առավել զգուշավորների այլընտրանք Ինչպես են մարզասրահները և մարզվողները «ֆորմի մեջ» մնում Բաժնի այլ նյութերը Easy ֆուտբոլ՝ մեծ էկրանին Դարձիր «12-րդ խաղացող» Անգլիական այգում, երկրպագիր մերոնց մաքուր օդին Ուղին անվանում է առաջնամագլցողը Հարմարավետության գոտուց դուրս, քաղաքային աղմուկից հեռու Բրազիլական ջիու-ջիցուն Հայաստանում Գետնի վրա մենամարտել իմացողն առավելություն ունի | Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է Ծիծեռնակաբերդում Աննա Հակոբյանի ներկայությամբ միջադեպի առնչությամբ 7 ձերբակալված կա Նախաձեռնվել է քրեական վարույթ Երևանում անհնազանդության ակցիաներ են. Փողոցներ են փակվում, կառավարության դիմաց ցույց է Քաղաքացիների կողքին ընդդիմադիր պատգամավորներ կան Նախարար․ 2026–ից բուհ կընդունվեն դպրոցական ավարտական քննությունների արդյունքներով Տավուշի մարզում 2021–22 թվականներից փորձարկվում է հանրակրթության նոր չափորոշիչը |