Ծանրամարտ Ապրիլի 8-ին Մինսկում` Եվրոպայի ծանրամարտի առաջնությունում հանդես եկան մինչև 44 կգ քաշային կարգ ունեցող ծանրորդները: Հայաստանը ներկայացնում էր աշխարհի առաջնության արծաթե մեդալակիր և Օլիմպիական խաղերի բրոնզե մեդալակիր Տիգրան Մարտիրոսյանը, որը դարձավ Եվրոպայի չեմպիոն` նվաճելով 3 ոսկե մեդալ: Մարտիրոսյանն իրեն հավասարը չունեցավ “պոկում” և “հրում” վարժություններում` բարձրացնելով համապատասխանաբար 165 և 195 կգ ու նվաճելով 2 փոքր ոսկե մեդալ: Իսկ երկամարտի արդյունքում հայ ծանրորդը բարձրացրեց 360 կգ և դարձավ Եվրոպայի չեմպիոն` առաջ անցնելով իր մոտակա մրցակցից 9 կիլոգրամով: 2-րդ տեղը նվաճեց Խրիստոֆ Շրամնյակը` Լեհաստանից, 3-րդը` Միկոլայ Չեռնյակը` Բելառուսից:

Ծանրամարտ. Ապրիլի 2-ին Մինսկում (Բելառուս) մեկնարկել է տղամարդկանց 89-րդ և կանանց 23-րդ ծանրամարտի Եվրոպայի առաջնությունը: Ապրիլի 5-ին ելույթ է ունեցել հայ ծանրորդ Սմբատ Մարգարյանը (56 ք/կ): Նա սկսել է իր ելույթները Բ խմբում և երկամարտի արդյունքում բարձրացրել է 255 կգ` այդպիսով միանալով մեդալների համար պայքարին: Ա խմբում մասնակցում էին ավելի փորձառու ծանրորդներ, բայց “հրում” վարժությունում Մարգարյանն ուժեղ էր բոլորից և նվաճեց փոքր ոսկե մեդալ: Երկամարտում հայ ծանրորդը երկրորդն էր և դարձավ Եվրոպայի փոխչեմպիոն: Եվրոպայի չեմպիոն դարձավ 34-ամյա Վիտալի Դերբենևը (Բելառուս): 3-րդ տեղում է Թոմ Գոեգեբուերը (Բելգիա):

Բռնցքամարտ. Մարտի 27-ին Դեթրոյթում տեղի ունեցավ հայ բռնցքամարտիկ Արթուր Աբրահամի եւ Անդրել Դիրելի մենամարտը “Super Six World Boxing Classic” մրցաշարի երկրորդ շրջանում: Աբրահամը որակազրկվեց 11-րդ ռաունդի կեսին: Աբրահամի հարվածից Դիրելն ընկավ եւ հայ բռնցքամարտիկը կարողացավ բարձրանալ միայն մի քանի րոպե անց` բուժօգնություն ստանալուց հետո: “Ես նայում էի ոչ թե Դիրելի ոտքերին, այլ նրա աչքերի մեջ եւ չտեսա, որ նա ընկավ՚,-ասել է Աբրահամը մամլո ասուլիսում: “Եվ եթե դու պրոֆեսիոնալ բռնցքամարտիկ ես , դու զգում ես նոկաուտի պահը եւ չես ցանկանում այն ձեռքից բաց թողնել: Ես կարծում էի, որ կարելի է շարունակել մենամարտը, քանի որ մրցավարը չդադարեցրեց հանդիպումը”:

Ֆուտբոլ. ՈւԵՖԱ-ում տեղի ունեցած համաժողովի ժամանակ, որին մասնակցում էին ֆուտբոլի եվրոպական միության 53 անդամների ներկայացուցիչները, կազմվել է EURO-2012 ընտրական մրցաշարի չորս խմբերի խաղացանկը. «B» խումբ` Հայաստան, Ռուսաստան, Սլովակիա, Մակեդոնիա, Իռլանդիա եւ Անդորա: «F» խումբ` Խորվաթիա, Հունաստան, Իսրայել, Lատվիա, Վրաստան, Մալթա: «G» խումբ` Անգլիա, Շվեյցարիա, Բուլղարիա, Ուելս, Չեռնոգորիա եւ «H» խումբ` Պորտուգալիա, Դանիա, Նորվեգիա, Կիպրոս, Իսլանդիա:

Ըմբշամարտ Հունահռոմեական ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանը հաղորդեց PanARMENIAN.Net-ի թղթակցին, որ Հայաստանի Ազգային Օլիմպիական կոմիտեն եւ Ըմբշամարտի ֆեդերացիան որոշել են, որ ըմբիշները չեն մեկնելու Ադրբեջան մասնակցելու Եվրոպայի առաջնությանը: «Այսպիսով, մարզիկները բավարար ժամանակ ունեն աշխարհի առաջնությանը պատրաստվելու համար, որը տեղի է ունենալու Մոսկվայում սեպտեմբերի 6-12-ը»,- ասել է Ջուլֆալակյանը:

Բռնցքամարտ Մարտի 6-ին ԱՄՆ-ի Agua Calente հարթակում աշխարհի մրցումների WBA/IBF մեկնարկի թեթեւքաշային մրցամարտում հայ բռնցքամարտիկ Վիկ Դարչինյանը մեծ հաջողությամբ պաշտպանեց իր տիտղոսները մեքսիկացի բռնցքամարտիկ Ռոդրիգո Գուերրերոյի հետ մենամարտելիս: Մենամարտի սկզբում Գուերրերոն հաջողությամբ դիմադրում էր Դարչինյանին, սակայն հայ բռնցքամարտիկի հարվածներն ավելի ու ավելի ուժեղանում էին եւ ավելի դիպուկ էին դառնում: Մենամարտը տեւեց 12 ռաունդ: Երեք դատավորներն էլ հաղթանակը Դարչինյանին տվեցին, եւ նա 118:110, 117:111, 120:108 հաշվով ճանաչվեց հաղթող:

Ազատ ոճի ըմբշամարտ. փետրվարի 19-ին ավարտվեց ազատ ոճի ըմբշամարտի «Թախտի գավաթը», որը տեղի էր ունեցել Իրանի Իսպահան քաղաքում: Հայ ըմբշամարտիկներից արծաթե մեդալներ նվաճեցին Միհրան Ջուբարյանը (ք/կ 55) եւ Ռուսլան Բասիեւը (ք/կ 120), իսկ բրոնզե

Հունահռոմեական ըմբշամարտ. հունվարի 13-14-ը Կարեն Դեմիրճյանի անվան մարզահամերգային համալիրում տեղի ունեցավ հունահռոմեական ըմբշամարտի Աշխարհի գավաթը: Երրորդ տեղի համար հայ մարտիկները պայքարում էին Ռուսաստանի հավաքականի հետ եւ հաղթանակ տարան 4:3 հաշվով: Այդ առճակատման մեջ ամեն ինչ որոշվեց 7-դ մենամարտում, որտեղ հանդիպեցին 120 կգ ք/կ-ի ըմբշամարտիկներ Յուրի Պատրիկեեւը (Հայաստան) եւ Ալեքսանդր Անյուշինը (Ռուսաստան): Պատրիկեեւը մենամարտը սկսեց շատ վստահ եւ հաղթեց, Հայաստանի հավաքականին բերելով գավաթ 3-դ տեղի համար: Աշխարհի գավաթում դա Հայաստանի հավաքականի 3-դ հաղթանակն էր: Խմբային փուլում հայ ըմբշամարտիկները հաղթեցին Սկանդինավիայի եւ Կուբայի հավաքականներին 7:0 հաշվով: