2010 թվականի նետաձգության Գրան-պրիի 2-րդ փուլը կանցնի Հայաստանում13 մարտի 2009 - 23:04 AMT PanARMENIAN.Net - Օրերս Հայաստանի նետաձիգների հավաքականը վերադարձավ Ժեշուվ քաղաքից, որտեղ մասնակցում էր նետաձգության 10-րդ աշխարհի ձմեռային առաջնությանը: Գլխավոր մարզչի եւ Հայաստանի նետաձիգների ֆեդերացիայի փոխնախագահ Բորիս Վասիլյանի գլխավորությամբ Լեհաստան էին մեկնել 4 մարզիկներ` Հովհաննես Պետրոսյանը, Գրիգոր Դովմալյանը, Գոհար Շահնազարյանն ու Նունե Վասիլյանը: Բոլոր հայ նետաձիգները հանդես էին գալիս 18+18 մարզաձեւում, սակայն անհաջող: Ըստ Բորիս Վասիլյանի, բոլորն անհաջող հանդես եկան, հատկապես Հովհաննես Պետրոսյանն ու Գրիգոր Դովմալյանը: «Տղամարդկանց մրցումներում մեր թիմն անհաջող հանդես եկավ, Հովհահնես Պետրոսյանը գրավեց 55 տեղը, իսկ Դովմալյանը` 53-րդ: Աղջիկները հանդես էին գալիս կանանց պատանեկան առաջնության շրջանակներում եւ ավելի լավ ցուցանիշներ ցույց տվեցին: Գոհար Շահնազարյանը զբաղեցրեց 18-րդ տեղը, իսկ Նունե Վասիլյանը` 28-րդ: Այժմ մենք նախապատրաստվում ենք Գրան-պրիի երկրորդ փուլին, որը տեղի կունենա մայիսի 19-24-ը Սոֆիայում: Այնուհետեւ հունիսին մենք կմասնակցենք Գրան-պրիի երրորդ փուլին Անթալիայում հունիսի 2-7-ը: Իսկ Գրան-պրիի 1 փուլին, որը կանցնի Ֆրանսիայում ապրիլի 14-19-ը, մենք չենք մասնակցի: Իսկ ապրիլի 10-15 Հայաստանում կմեկնարկի երկրի նետաձգության առաջնությունը, որի արդյունքում մենք կպարզենք հավաքականի կազմը առաջիկա մրցաշարում»,-ասել է Վասիլյանը: Հայաստանի հավաքականը կմասնակցի նաեւ 45-րդ աշխարհի ամառային առաջնությանը, որը կանցնի Ուլսանում (Հարավային Կորեա) սեպտեմբերի 1-10-ը: Իսկ 2010 թվականի Գրան-պրիի 2 փուլը կանցնի Հայաստանում: «Հարավային Կորեայում կայանալիք առաջնությանը մենք դեռ չենք սկսել պատրաստվել: Սակայն ասեմ, որ մենք պայմանավորվածություն ունենք Վրաստանի նետաձիգների ֆեդերացիայի հետ: Ամեն տարի մենք մեկնում ենք Վրաստան, որտեղ մասնակցում ենք մրցաշարին` Վրաստանի, Թուրքիայի, Ադրբեջանի ու մեր հավաքականների միջեւ: Սա նախապատրաստական փուլի միջոցառումներից մեկն է,-ասել է Վասիլյանը,-Հայաստանում այդ սպորտաձեւի կարեւոր խնդիրներից մեկը մարզիկների քանակն է` նրանք շատ քիչ են: Տղամարդիկ մոտավորապես 11-12 հոգի են, իսկ կանայք 3-4: Ես կարծում եմ, որ այս մարզաձեւը հարկավոր է գովազդել: Իսկ ինչ վերաբերում է 2010թ. Գրան-պրիի 2 փուլին, ապա մենք ստացանք այդ մրցաշարն անցկացնելու իրավունքը, սակայն դեռեւս կոնկրետ ոչ մի բան ասել չեմ կարող: Գուցե միայն այն, որ մրցաշարը կանցնի Երեւանում, կամ Էջմիածնում»,-հավելել է նա: Հարավային Կորեայում աշխարհի ամառային առաջնությանը հայ նետաձիգները ելույթ կունենան M1 մարզաձեւում, որը ներկայացնում է 90, 70, 50 եւ 30մ հեռավորության նետաձգությունը տղամարդկանց եւ 70,60,50,30մ հեռավորության նետաձգություն կանանց համար: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Էրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նա Freedom House–ը մտահոգված է ՀՀ-ում ոստիկանական բռնության մասին հաղորդումների աճով Կազմակերպությունը կոչ է արել ՀՀ իշխանություններին հետաքննել «անհամաչափ ուժի և անմարդկային վերաբերմունքի դեպքերը» Տասմագամբետով․ ՀԱՊԿ-ից դուրս գալը կլինի ՀՀ ինքնիշխան որոշումը, բայց այդ դեպքում ուժերի բալանսը Հրվ. Կովկասում կարող է փոխվել Նա նշել է, թե կազմակերպությունը լիովին պահպանում է իր պարտավորությունները Երևանի նկատմամբ Գարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում |