Արսեն Քարամյան. Մենք խնդիր ունենք պարզելու, թե 2011-2012թթ. ինչ ծրագրեր են անհրաժեշտ մարզային մակարդակում10 դեկտեմբերի 2010 - 21:22 AMT PanARMENIAN.Net - Դեկտեմբերի 10-ին Հայաստանի երիտասարդական հիմնադրամում տեղի ունեցավ ՀՀ Սպորտի և երիտասարդության հարցերի նախարարության մարզային երիտասարդական միջոցառումների կազմակերպման կենտրոնների տարեկան ամփոփիչ հանդիպումը, որտեղ ներկայացվեցին մարզային երիտասարդական միջոցառումների կազմակերպման կենտրոնների 2010թ. գործունեության արդյունքները, ինչպես նաև` հետագա աշխատանքների ռազմավարական պլանները: ՀՀ սպորտի և երիտասարդության հարցերի նախարարի տեղակալ Արսեն Քարամյանը կարևորեց նման հանդիպումները` մասնավորապես նշելով. «Մենք խնդիր ունենք լսելու մարզային երիտասարդությանը` պարզելու, թե 2011-2012թթ. ինչ ծրագրեր են անհրաժեշտ մարզային մակարդակում, որոնք պետք է կյանքի կոչվեն լիազոր մարմնի` ՀՀ սպորտի և երիտասարդության հարցերի նախարարության աջակցությամբ: Այս հանդիպումն առաջին հերթին իրական կարիքի գնահատման փորձ է, քանի որ ցանկացած ծրագիր պետք է բխի կարիքից: Նման մոտեցման պարագայում բարձրանում է ծրագրերի առարկայականությունը, և թիրախային աշխատանքը շատ ավելի արդյունավետ է ստացվում»: Արսեն Քարամյանը նշեց, որ պետական երիտասարդական քաղաքականության ծանրության կենտրոնն անհրաժեշտ է տեղափոխել մարզեր: Մարզային երիտասարդության խնդիրները շատ ավելի մեծ ուշադրության կենտրոնում պետք է պահել: «Սա նաև բխում է ՀՀ կառավարության հաստատած մի շարք փաստաթղթերի ոգուց (տարածքային համաչափ զարգացում, ժողովրդագրական անվտանգություն): Ըստ էության, պետական երիտասարդական քաղաքականությունը պետք է նաև այս մասով իր նպաստը բերի: 2011թ. երիտասարդական ոլորտին հատկացված բյուջեի տրամաբանությունը նույնպես ենթադրում է, որ ծրագրերի մեծ մասն ուղղվելու են դեպի մարզեր»,- ասաց Արսեն Քարամյանը: 2010թ. ընթացքում մեծ աշխատանքներ են տարվել մարզային երիտասարդական կենտրոնների կարողությունների հզորացման ուղղությամբ: Այս համատեքստում երիտասարդական միջոցառումների կազմակերպման մարզային կենտրոններին աջակցություն է ցուցաբերում ԵԱՀԿ երևանյան գրասենյակը: ԵԱՀԿ երևանյան գրասենյակի ժողովրդավարացման ծրագրի ղեկավար Դորիս Վոգլը, խոսելով մարզային երիտասարդական կենտրոնների հետ համագործակցության մասին, նշեց, որ իրենց նպատակն է զարգացնել մարզային երիտասարդական կենտրոնների աշխատակազմերի կարողությունները, հզորացնել մարզային երիտասարդական կենտրոնների կամավորներին և աջակցել ժողովրդավարական կառավարման խորհուրդների զարգացմանը երիտասարդական կենտրոններում, հաղորդում է ՀՀ Սպորտի և երիտասարդության հարցերի նախարարության մարզային երիտասարդական միջոցառումների կազմակերպման կենտրոնի մամլո ծառայությունը: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |