ԱԳ նախարարներ. Եվրամիությունը «ծանր ժամանակներ է ապրում»10 փետրվարի 2016 - 16:11 AMT PanARMENIAN.Net - Եվրամիությունը ծանր ժամանակներ է ապրում: Այդ մասին հայտարարել են միության հիմնադիր վեց երկրի` Իտալիայի, Գերմանիայի, Ֆրանսիայի, Բելգիայի, Նիդերլանդների և Լյուքսեմբուրգի, ԱԳՆ ղեկավարները: «Եվրոպական տնտեսական ընկերակցության ստեղծման մասին պայմանագրի 60-րդ տարեդարձին ընդառաջ, որը կնշվի 2017-ի մարտի 25-ին, Եվրոպան մտահոգված է եվրոպական նախագծի վիճակով: Հավանաբար, մենք իրոք շատ բարդ ժամանակաշրջանում ենք ապրում: Այս կրիտիկական պահին մենք որպես հիմնադիր երկրներ մեզ հատկապես պահանջված ենք զգում»,-ասվում է Հռոմում կայացած հանդիպման ավարտին ընդունված փաստաթղթում, հայտնում է ՌԻԱ Նովոստին: ԱԳՆ ղեկավարները, մասնավորապես, քննարկել են ինտեգրացիոն գործընթացների հեռանկարներն ու փախստականների ճգնաժամը ԵՄ-ում: Ավելի վաղ Ֆրանսիայի վարչապետ Մանուել Վալսը հայտարարել էր, որ Փախստականների հետ կապված ճգնաժամը լրջագույն վտանգ է Եվրոպայի համար: «Հենց Եվրոպան կարող է մեռնել, ոչ թե Շենգենի գոտին: Եթե Եվրոպան չկարողանա պաշտպանել իր սահմանները, բուն Եվրոպայի գաղափարը հարցականի տակ կդրվի»,-ասել էր նա: Ֆրանսիայի վարչապետը պարզաբանել է, որ կմեռնի ոչ թե Եվրոպան, այլ «եվրոպական նախագիծը` եվրոպական արժեքները, Եվրոպայի հայեցակարգը: Ըստ ԵՄ Frontex գործակալության, 2015-ին Եվրամիություն է ժամանել մոտ 1,2 մլրդ ներգաղթյալ: Այս միգրացիոն ճգնաժամը խոշորագույնն է Երկրորդ համաշխարհային պատերազմից հետո: Միայն Սիրիայից հեռացել է 4,6 մլն մարդ: Փախստականները նավակներով հասնում են Հունաստանի, Իտալիայի կղզիներ, այնուհետև ճանապարհը շարունակում հյուսիս՝ Գերմանիա, Ավստրիա, Ֆրանսիա, Շվեդիա, Մեծ Բրիտանիա: Մինչդեռ Մեծ Բրիտանիայում աճում է Եվրամիության կազմից դուրս գալու կողմնակիցների քանակը: Եթե հանրաքվեն այս օրերին անցնել, Բրիտանիայի բնակչության մոտ 40 տոկոսը կողմ կքվեարկեր ԵՄ-ից դուրս գալուն: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |