// IP Marketing video - START// IP Marketing video - END

Կիպրոսի խորհրդարանի խոսնակը կոչ է արել Թուրքիային ճանաչել Հայոց ցեղասպանությունը եւ ներողություն խնդրել ողջ աշխարհից

PanARMENIAN.Net - Կիպրոսի Ներկայացուցիչների պալատի նախագահ Մարիոս Կարոյանը, ելույթ ունենալով Հայոց ցեղասպանության 93-րդ տարելիցին նվիրված արարողությանը, հայտնել է Կիպրոսի խորհրդարանի աջակցության մասին Ցեղասպանության փաստի միջազգային ճանաչմանը: «Այսօր մենք հիշում ենք այդ լուրջ հանցագործության մասին, հարգանքի տուրք ենք մատուցում զոհերի հիշատակին եւ եւս մեկ անգամ դատապարտում ենք այդ զարհուրելի ոճրագործության փաստը»,- հայտարարել է Մարիոս Կարոյանը: Նա կոչ է արել Թուրքիային ճանաչել Հայոց ցեղասպանության փաստը եւ ներողություն հայցել հայ ժողովրդից եւ ողջ աշխարհից: Մարիոս Կարոյանը նաեւ նշել է, որ Կիպրոսը Հունաստանի խորհրդարանի հետ միասին եղել են առաջինների շարքում, ով առաջինը դատապարտեց Հայոց ցեղասպանությունը եւ միջազգային հանրությունից պահանջեց դրա ճանաչումը:



«Մենք չենք խնդրում, չենք աղաչում ճանաչել Ցեղասպանության փաստը: Մենք արդարություն ենք պահանջում ժողովրդավարական մարդկությունից, միջազգային հանրությունից, բոլոր ազգերից եւ ժողովուրդներից»,- ընդգծել է նա:



Արարողության ընթացքում Հունաստանի նախկին պաշտպանության նախարար Ակիս Ցոկաձոպուլոսը հայտարարեց, որ Հայոց ցեղասպանության փաստի ճանաչումը հանդիսանում է պարտք պատմության առաջ: Նրա խոսքերով, շարունակելով Կիպրոսի հյուսիսային հատվածի օկուպացիան` Անկարան պետք է հասկանա, որ եվրաինտեգրման հեռանկարները կախված են Հունաստանի եւ Կիպրոսի հետ նրա հարաբերություններից: Միջոցառման ընթացքում ելույթ ունեցավ նաեւ Կիպրոսի հայ համայնքի ներկայացուցիչ Վարդգես Մահդեսյանը, ով կոչ է արել Անկարային ճանաչել հանցագործության փաստը, որը կատարվել է երկրի նախկին կառավարության կողմից, հաղորդում է Financial Mirror-ը:
 Ուշագրավ
Ընդհանուր առմամբ, աստերոիդի այսքան մոտ թռիչքը նշանակում է, որ ապագայում հնարավոր են էլ ավելի սերտ մոտեցումներ, որոնք նաև կարող են սպառնալ բախումներով
Հարձակման ենթարկվածի մասին տեղեկություններ դեռ չկան
Սպառազինությունն առաքվել է Ադրբեջան ըստ երկու երկրների ռազմատեխնիկական գործակցության մասին պայմանավորվածության