Տորբյերն Յագլանդ. Հայ-թուրքական հարաբերությունների կարգավորման գործընթացում շատ արգելքներ կան

PanARMENIAN.Net -
Հայաստանի ու Թուրքիայի միջեւ մերձեցման գործընթացը հույս է տալիս: Այդ մասին հայտնեց Եվրոպայի Խորհրդի գլխավոր քարտուղար Տորբյերն Յագլանդը: Ընդ որում, նա հրաժարվեց կանխատեսել գործընթացի հետագա ընթացքը` ասելով, որ չգիտի` արդյոք երկրների խորհրդարանները կվավերացնեն Արձանագրությունները, թե ոչ: Նրա խոսքով, գործընթացը կարող է երկար ժամանակ պահանջել:



«Հայ-թուրքական հարաբերությունների կարգավորման գործընթացում շատ արգելքներ կան: Սակայն առաջին քայլն արված է, եւ ես վստահ եմ, որ այն վերջինը չէ»,- ասաց Յագլանդը:



Դրա հետ մեկտեղ, նա նշեց, որ մեծ հույսեր է կապում տարածաշրջանում ու Եվրոպայում Թուրքիայի դերի հետ: «Իր ներքին քաղաքականության մեջ Թուրքիան շեշտը դնում է ազգային փոքրամասնությունների սոցիալական ու մշակութային իրավունքների վրա: Այդ իրավունքները պետք է ամրագրվեն սահմանադրության մեջ»,- ընդգծեց նա` ավելացնելով, որ Անկարան ժամանակակից սահմանադրության կարիք ունի, հաղորդում է CNN Turk-ը:





Հայ-թուրքական հարաբերությունների կարգավորման մասին Արձանագրություններ

Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին:

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---