Գալիք նախագահական ընտրություններում իր թեկնածությունն է առաջադրել նաև քաղաքագետ Անդրիաս Ղուկասյանը: Կենտրոնական ընտրական հանձնաժողովի մամուլի խոսնակ Հերմինե Հարությունյանը PanARMENIAN.Net-ին փոխանցեց, որ երեկ նա առաջադրվելու համար իր փաստաթղթերը ներկայացրել է ԿԸՀ:
Անդրիաս Ղուկասյանը հայտնի է քաղաքացիական ակտիվությամբ: Նա Մաշտոցի պուրակի բուտիկներն ապամոնտաժելու մասին քաղաքացիական դատարանի որոշումն իրագործելու համար ստեղծված ապամոնտաժող առաջին բրիգադի նախաձեռնողներից և անդամներից էր: