Տիրանայում մեկնարկել է ծանրամարտի Եվրոպայի առաջնությունը: Հայաստանը ներկայացուցիչ ունի միայն տղամարդկանց մրցաշարում: Հավաքականը Պողոս Պողոսյանի գլխավորությամբ ներկայացված է երեք մարզիկներով:

Ապրիլի 11-ին հանդես կգա պատանիների աշխարհի առաջնության հաղթող Անդրանիկ Կարապետյանը (77կգ):

+105 քաշային կարգում ապրիլի 14-ին հանդես կգան երիտասարդների Եվրոպայի չեմպիոն և պատանեկան Օլիմպիական խաղերի բրոնզե մրցանակակիր Գոռ Մինասյանն ու երիտասարդական ԱԱ հաղթող Հայկ Հակոբյանը:

Եվրոպայի առաջնությունը կավարտվի ապրիլի 14-ին: