Հալեպում Մինաս անունով հայազգի երիտասարդին սպանել են իսլամ ընդունելուց հրաժարվելու համար: Այդ մասին հայտնում է արաբալեզու khabararmani.com կայքը Ֆեյսբուքում iNews-ի էջի վրա հղումով:
Ըստ աղբյուրի, երիտասարդին սպանել են «Իրաքի ու Լևանտի իսլամական պետություն» խմբավորման անդամները Հալեպի իրենց կողմից վերահսկվող բանտերից մեկում, հայտնում է Armenia Today-ը:
Սիրիայում արդեն 2 տարուց ավելի է քաղաքացիական պատերազմ է: Այդ ընթացքում, ՄԱԿ տվյալներով, ավելի քան 115 հազար մարդ զոհվել է, 2 մլն՝ դարձել փախստական, ևս 4 մլն՝ ներքին տեղահանված անձինք են:Ամեն օր մոտ 6 հազար սիրիացի փախստական է դառնում:
Երկուս ու կես տարում Սիրիայում 66 հայ է զոհվել:
Սիրիահայերը բնակվում են հիմնականում Հալեպում և Դամասկոսում: Պատերազմից առաջ հայ համայնքը հասնում էր 80 հազարի: Այժմ շուրջ 10 հազար սիրիահայեր հաստատվել են Հայաստանում, հինգ հազարը՝ Լիբանանում:
