Սպիտակ տունը հայտարարել է, որ Սիրիայի ՄԱԿ հումանիտար ավտոշարասյանը հարված կարող էին հասցնել միայն ռուսական, կամ սիրիական զորքերը: ԱՄՆ հետախոզությունում հայտնել են, որ Սու-24 2 ռուսական ռմբակոծիչները եղել են հումանիտար շարասյանի օրդային տավածում, երբ հասցվել է հարվածը:
Հալեպի արվարձանում գնդակոծության տակ է ընկել հումանիտար օգնություն տեղափոխող ավտոշարասյունը, որը մեկնում էր դեպի ապստամբների կողմից վերահսկվող շրջաններ: Ըստ չհաստատված տվյալների, ավիահարվածից զոհվել է 12 մարդ, հայտնում է BBC-ին: Ըստ ՄԱԿ ներկայացուցչի, 31 բեռնատարից առնվազն 18-ը վնասվել է:
ՌԴ ԱԳՆ պաշտոնական ներկայացուցիչ Մարիա Զախարովան արդեն հերքել է ԱՄՆ պաշտոնյաների կասկածները: Իս ավելի ուշ ՌԴ ԱԳ նախարար Սերգեյ Լավրովը հայտարարել է սիրիական ՌՕ ուժերը չէին կարող գրոհել մարդասիրական շարասյունը, իսկ ՌԴ ՌՕՈւ-ն այնտեղ չի եղել, հայտնում է Gazeta.ru-ն:
Ավելի վաղ ՌԴ ՊՆ-ն ուսումնասիրել էր միջադեպի վայրի տեսագրությունները և որևէ զինամթերքի պայթյունի հետք չի հայտնաբերել: Գերատեսչությունը պնդում է, որ բեռնատարները հրկիզել են:
Սեպտեմբերի 19-ին Բաշար Ասադի ուժերը հայտարարեցին հրադադարի շուրջ համաձայնությունից դուրս գալու մասին, որից մի քանի ժամ անց ընդդիմության կողմից գրավված Հալեպի թաղամասերը ռմբակոծվեցին: ՌԴ ներկայացուցիչները հայտարարեցին, որ ԱՄՆ և նրանց կոալիցիայի կողմից Սիրիայի կառավարական ուժերի ռմբակոծումը սեպտեմբերի 17-ին հարվածի տակ դրեց հրադադարի մասին համաձայնությունը:
Հրադադարը Սիրիայում հաստատվել էր սեպտեմբերի 12-ի մայրամուտին, երբ մեկնարկեց մահմեդական Ղուրբան Բայրամ տոնը: Հրադադարը սահմանվել է ըստ ԱՄՆ և ՌԴ պայմանավորվածության և տևելու 10 օր, որին պետք է հաջորդեն երկու երկրների օդային գործողությունները ջիհադական խմբավորումների դեմ:
