Գրոսմայստեր Լևոն Արոնյանը Նիդերլանդների «Տատա Սթիլ» (Վեյկ ան Զեե) մրցաշարում 4 անընդմեջ ոչ ոքի է խաղացել: Հայ շախմատիստը 4-րդ տուրում սպիտակներով մրցել է ռուսաստանցի Յան Նեպոմնյաշչիի հետ` պարտիայի սկզբում առավելություն ունենալով: Սակայն Նեպոմնյաշչին կարողացել է հավասարեցնել դիրքը:

4 տուրից հետո Արոնյանը 2 միավորով բաժանում է 4-7-րդ տեղերը:

Մրցաշարին մասնակցում են Արոնյանը, Սոն, Կարլսենը, Ադհիբանը, Վան Վելին, Էլջանովը, Ռապպորտը, Կարյակինը, Գիրին, Վոյտաշեկը, Նեպոմնյաշչին, Անդրեյկինը, Վեյ-Յին:

Աշխարհի չեմպիոն Մագնուս Կարլսենը 2 հաղթանակ է տարել և 3 միավորով երկրորդ տեղում է, առաջատարն է Էլջանովը:

Լևոն Արոնյանը հայ ուժեղագույն շախմատիստ է, 2005-ի շախմատի աշխարհի առաջնության գավաթակիր, Շախմատային երեք օլիմպիադաների (2006, 2008, 2012), Լինարեսի (2006) և Վեյկ ան Զեեի սուպերմրցաշարերի (2007, 2008, 2012 և 2014) հաղթող, ՖԻԴԵ 2008/2009 Գրան պրիի, Բիլբաոյի Մեծ սաղավարտի (2009, 2013), «Ամբերի» (2008, 2009, 2011), 2009-ի արագ շախմատի աշխարհի մրցաշարի հաղթող է, Ֆիշերի շախմատի աշխարհի մրցաշարի երկակի չեմպիոն է (2008, 2009), բլիցի աշխարհի չեմպիոն (2010)։ ՀՀ կազմում Շախմատի աշխարհի ութերորդ թիմային առաջնության հաղթող 2011-ին։