18 հունվարի 2017 - 17:14 AMT
SkyScanner. 2017-ին ՀՀ-ն կլինի ռուսաստանցի ճամփորդների նախընտրած ուղղությունների թոփ-10-ում

2017-ին Հայաստանը կլինի ռուսաստանցի զբոսաշրջիկների նախընտրած ուղղությունների առաջին տասնյակում: Այդպիսի տվյալներ կան SkyScanner զբոսաշրջային ծառայության կանխատեսման մեջ, որը կազմել է ուղևորությունների համար նախընտրելի երկրների թոփ-15 ցուցակն առաջիկա 12 ամիսների համար: Այդ մասին ասվում է ընկերության մամուլի հաղորդագրության մեջ, գրում է Lenta.ru-ն:

Ըստ կանխատեսման, Սլովակիան և Իրանն ամենապահանջված ուղղությունները կլինեն 2017-ին: Առաջին եռյակը եզրափակում է Վրաստանը:

Ընկերության մասնագետները վերլուծել են ավիատոմսերի ամրագրման վիճակագրությունը: Այն 15 ուղղությունը, որոնց պահանջարկը 2016-ին աճել է, պահանջված կլինի 2017-ին:

4-րդ տեղում Տանզանիան է, 5-ում` Ադրբեջանը, 6-րդը Հայաստանն է, որին հաջորդում են Ֆիլիպինները, Նոր Զելանդիան, Մոլդովան, Կիպրոսը, Բուլղարիան, Կուբան, Հարավային Կորեան, Կանադան և Պանաման: