Վաշինգտոնում ավելի քան 200 մարդ է ձերբակալվել ԱՄՆ նորընտիր նախագահ Դոնալդ Թրամփի երդմնակալության ժամանակ, որոնք մասնակցում էին նրա դեմ բողոքի ցույցին:
Քաղաքի կենտրոնում անցնող ցույցին մասնակցել է մոտ 1000 մարդ: Նրանք հիմնականում սևազգեստ էին և վանկարկում էին «Ոչ` Թրամփին»: Ոմանք ագրեսիվ պահվածք ունեին` քարեր և ջրով շշեր էին նետում ոստիկանների ուղղությամբ, հայտնում է «Դոժդը» Associated Press-ի վրա հղումով:
Ազգային ճեմուղում ակցիայի ժամանակ ցուցարարները կոտրել են հարևանությամբ գտնվող խանութների և սրճարանների ապակիները: Մի մասն, ըստ Վաշինգտոնի ոստիկանության, զինված է եղել մուրճերով և երկաթե մահակներով: Ցույցի ագրեսիվ պահվածքով բոլոր մասնակիցները ձերբակալվել են:
Հունվարի 20-ի երեկոյան տեղի է ունեցել ԱՄՆ 45-րդ նախագահ Դոնալդ Թրամփի երդմնակալության արարողությունը: Նա փոխարինեց այդ պաշտոնում Բարաք Օբամային: Երդմնակալության նախօրեին բողոքի ցույց տեղի ունեցավ Նյու Յորքում, որին մասնակցել են Նյու Յորքի քաղաքապետ Բիլ դեԲլազիոն, հոլիվուդյան աստղեր Ռոբերտ դե Նիրոն, Մարկ Ռուֆֆալոն, Ալեքս Բոլդուինը, ռեժիսոր Մայքլ Մուրը, երգչուհի Շերը:
