Հայաստանում կոռուպցիայի ընկալման մակարդակը բարձր է: Այդ մասին վկայում են Վերակառուցման և զարգացման եվրոպական բանկի (ՎԶԵԲ) հետազոտության արդյունքները:
Հայաստանում հարցվածների 11%-ը խոստովանել են՝ վերջին 12 ամսում նրանք անձամբ կամ ընտանիքի անդամները կաշառք են տվել: Միաժամանակ, հարցվածների 34%-ի կարծիքով, Հայաստանում իրենց պես մարդիկ կաշառք են տալիս:
Այսպիսով, հետազոտությունը ցույց է տալիս՝ «կոռուպցիայի միջին մակարդակը» Հայաստանում մոտ 11% է կազմում, իսկ «կոռուպցիայի ընկալման միջին մակարդակը»՝ 34%:
Համեմատության համար՝ Վրաստանում կոռուպցիայի ընկալման մակարդակը կազմել է 2%, իսկ կոռուպցիայի իրական փորձը` 9%:
Տաջիկստանում հարցվածների 42%-ը կաշառք է տալիս, սակայն միայն մոտ 12%-ն է կարծում, որ շրջապատում մարդիկ դիմում են այդ քայլին:
Ադրբեջանում հարցվածների 29%-ն է հայտնել, որ կաշառք տալու փորձ ունի, իսկ 9%-ը կարծում է, որ երկրում մարդիկ դիմում են այդ քայլին: