2016 թվականի ընթացքում Հայաստան է այցելել Իրանի 188.851 քաղաքացի: Տվյալները PanARMENIAN.Net-ի հետ զրույցում հայնեց Զբոսաշրջության վարչության ամփոփ վերլուծությունների բաժնի գլխավոր մասնագետ Անուշ Բաբայանը:
«Նախորդ՝ 2015 թվականի համեմատ Իրանից ՀՀ այցելածների թիվն ավելացել է միանգամից 30 տոկոսով»,- տեղեկացրեց մասնագետը:
2016 թվականի հունիսի 5-ին Թեհրանում ստորագրվել է ՀՀ կառավարության և Իրանի միջև քաղաքացիների` առանց մուտքի արտոնագրի այցելության մասին փոխըմբռնման հուշագիրը: Դրանով առաջարկվում է, որ այսուհետ առանց որևէ վիզայի ձևակերպման Հայաստանի քաղաքացիները կարողանան այցելել Իրանի Իսլամական Հանրապետություն և հակառակը:
Բաբայանը տեղեկացրեց, որ իրենք չունեն տվյալներ այն մասին, թե նույն ժամանակահատվածում որքան ՀՀ քաղաքացի է այցելել Իրան:
Կարդացեք նաև՝ Հայկական Իրան. Երկու հարևան երկրի միջև վիզաների չեղարկման հետքերով