Հունիսի 1-ից Երևան-Ստամբուլ չվերթով թռիչքներ կիրականացնի նոր լոուքոսթերը՝ «Պեգասուս» ավիաընկերությունը:
Թռիչքները կիրականացվեն շաբաթը 3 անգամ Ստամբուլից «Զվարթնոց» միջազգային օդանավակայան երկուշաբթի, չորեքշաբթի և ուրբաթ օրերին:
Թուրքական ավիաընկերությունը Ստամբուլից միջազգային թռիչքներ է իրականացնում գրեթե բոլոր եվրոպական երկրներ: «Պեգասուսը» տարածաշրջանի ամենաակտիվ «լոուքոստերներից» մեկն է, հայտնում է «Արմենիա» Միջազգային օդանավակայաններ ՓԲԸ-ի մամուլի ծառայությունը:
«Պեգասուս» ավիաընկերությունը թուրքական բյուջետային ավիաընկերություն է, որի կենտրոնական գրասենյակը գտնվում է Ստամբուլում։ Իրականացնում է մշտական և չարթերային թռիչքներ Եվրոպայում և Թուրքիայում։
Կարդացեք նաև. Երևան - Թել Ավիվ - Երևան ուղիղ չվերթ կիրականացվի