Թուրքիայի նախկին վարչապետ Ահմեդ Դավութօղլուի նախկին գլխավոր խորհրդական Էթյեն Մահչուփյաննանդրադարձել է Թուրքիայում մահապատիժը մտցնելու Էրդողանի հայտարարություններին։
Մահչուփյանն իր հրապարակման մեջ շեշտել է, թե մահապատժի թեման Թուրքիայի քաղաքականության ամենադրամատիկ և միևնույն ժամանակ ամենահեգնական թեմաներից է։ Նա հիշեցրել է, որ տարիներ առաջ մահապատժի դեմ ակտիվ հանդես եկած «Արդարություն և զարգացում» կուսակցությունն այսօր մահապատժի կիրառման ամենամոլի կողմնակիցն է դարձել։
«Երբ մահապատիժը մտցվի, կարող ենք փաստել Թուրքիան Արևմուտքից կհեռանա։ Այդ քայլի արդյունքում Թուրքիայի Եվրոպայի խորհրդից դուրս կհայտնվի և անորոշ ժամանակաշրջանում կսկի տապակվել իր յուղի մեջ։ Այս պարագայում ցանկացած այլ երկրի հետ հարաբերություններում Թուրքիան թույլ է լինելու, իսկ ներքաղաքական լարվածությունը դժվարությամբ է հաղթահարելու։
Եթե այս ամենը հայտնի է, ապա իշխանություններն ինչո՞ւ են ուզում մտցնել մահապատիժը։ Երևի դրա բերած «օգուտ»-ի համար։ Եվրոպան Թուրքիայից կհեռանա և Թուրքիային մոնիթորինգ անող չի լինի և իշխանությունների ձեռքերն արդեն ազատ կլինեն ամեն ոլորտում»,- գրել է Մահչուփյանը։
Թուրքիայի նախագահ Ռեջեփ Թայիփ Էրդողանը հայտարարել է, որ մտադիր է վերականգնել երկրում մահապատիժը:
