Հայաստանի հավաքականի առաջատար հեծանվորդ Էդգար Ստեփանյանը Տուլայում մասնակցել է «Գրան Պրի» մրցաշարի: Ստեփանյանը խմբակային վազքում զբաղեցրել է 5-րդ հորիզոնականը, իսկ սկրեչում` 8-րդը:
«Հեծանվահրապարակում սա Էդգարի առաջին միջազգային մրցաշարն էր: Նա լավ հանդես եկավ և երկու մրցաձևից UCI-ի (Հեծանվորդների միջազգային միություն) ցուցակի համար կարևոր վարկանիշային միավորներ վաստակեց»,- ասել է հավաքականի գլխավոր մարզիչ Արմեն Գյոզալյանը:
Մայիսի 24-ին Էդգար Ստեփանյանը կմեկնի Մոսկվա` մասնակցելու Ալեքսանդր Լեսնիկովի հուշամրցաշարին, տեղեկացնում է ՀՀ Ազգային օլիմպիական կոմիտեն:
Էդգար Ստեփանյանը 2015-ի երիտասարդների Եվրոպայի չեմպիոն և աշխարհի փոխչեմպիոն է: 2016-ի մայիսին Coupe de France հեղինակավոր մրցաշարի խմբակային վազքում 10-րդ տեղն է զբաղեցրել:
Նա առաջին հայ հեծանվորդն է, որը ոսկե մեդալ է նվաճել Եվրոպայում:
Կարդացեք նաև՝ ՀՀ բազկամարտիկները 6 մեդալ են նվաճել Եվրոպայի առաջնությունում
Ուղին անվանում է առաջնամագլցողը. Հարմարավետության գոտուց դուրս, քաղաքային աղմուկից հեռու