Ադրբեջանը, Վրաստանն ու Թուրքիան համատեղ զորավարժություններ կանցկացնեն: Այդ հարցը քննարկվել է Վրաստանի ՊՆ ղեկավար Լևան Իզորիայի և Ադրբեջանի պաշտպանության նախարար Զաքիր Հասանովի հանդիպմանը Թբիլիսիում:
Զորավարժությունները կանցկացվեն հունիսի 4-14-ը Վրաստանում: Զորավարժություններին կմասնակցեն հատուկ նշանակության ուժերը, գրում է «Վզգլյադը» ՊՆ պաշտպանական գերատեսչության վրա հղումով:
Անդրադարձ է եղել երկկողմ գործակցության զարգացմանը, ինչպես նաև եռակողմ ձևաչափի զարգացմանը Թուրքիայի մասնակցությամբ: Քննարկվել է նաև երեք երկրների պաշտպանության նախարարների եռակողմ հանդիպման հարցը:
«Եռակողմ ձևաչափով գործակցության դինամիկան շատ դրական է զարգանում»,-հայտարարել է Վրաստանի ՊՆ ղեկավարը:
Ադրբեջանի ՊՆ ղեկավարի այցը տեղի է ունցել մայիսի 22-ին, իսկ մայիսի 23-ին Թբիլիսի է այցելել Թուրքիայի վարչապետ Բինալի Յըլդըրըմը, նախատեսված է նաև Բարձր մակարդակի համագործակցության խորհրդի նիստ: