2017-18-ի ուսումնական տարում Հայաստանի հիմնական դպրոցների ավարտական 9-րդ դասարանները կունենան 29.642 շրջանավարտ: Հանրապետության ավագ և միջնակարգ դպրոցների 12-րդ դասարանը կավարտի 19.618 սովորող:
Հայաստանում շրջանավարտների համար «Վերջին դաս» միջոցառումն այս տարի կկազմակերպվի մայիսի 26-ին:
Համաձայն ՀՀ կրթության և գիտության նախարարի հրամանի՝հանրակրթական ուսումնական հաստատություններում սովորողի գիտելիքների ստուգման,ավարտական և պետական ավարտական քննությունները կկազմակերպվեն հունիսի 1-23-ը, հայտնում է կրթության և գիտության նախարարությունը:
ԳԹԿ-ն ավարտել է միասնական քննություններին մասնակցել ցանկացող շրջանավարտների դիմում-հայտերի ընդունման ու նաև դրանց ճշգրտման գործընթացը:Ըստ այդմ, այս տարի միասնական քննությունների առաջին՝ հիմնական փուլին կմասնակցի մոտ 9 հազար 800 դիմորդ: Երկրորդ փուլի ընդունելության մասին կհայտարարվի ավելի ուշ:
2017-ին դիմորդների թիվը նախորդ տարվա դիմորդների թվից պակաս է մոտ 1500-ով: