Մայրաքաղաքի ծաղկային տարածքների համալրման գարնանային ծրագրի շրջանակում մայիսի 5-ից մեկնարկել են երևանյան այգիների, պուրակների ու փողոցների կանաչ գոտիների ծաղկապատման աշխատանքները:
Մոտ 2 միլիոն ծաղկասածիլից 1.2 միլիոնը մայրաքաղաքի փողոցներ են տեղափոխվել Երևանի քաղաքային ջերմատնից: Այս ուղղությամբ գարնանային փուլի աշխատանքները կավարտվեն հունիսի 15-ին:
Նշված ժամանակաշրջանն ամենաարդյունվետն է ծաղիկների տնկման և դրանց կպչողականությունն ապահովելու համար, տեղեկացնում է Երևանի քաղաքապետարանը:
Մայրաքաղաքի վարչական շրջաններում 2015-ին իրականացված ծաղկապատման աշխատանքների ընթացքում տնկված ծաղիկների թիվը հասել էր 2.2 միլիոնի, որից 1 միլիոն 250 հազարն աճեցվել է Երևանի քաղաքային տնկարանում: