Հայաստանի կարգավորիչը կանխել է ադրբեջանական ծագման կաթի փոշու ներմուծման փորձը։ Այս մասին լրագրողներին ասել է ՀՀ պետեկամուտների կոմիտեի նախագահ Վարդան Հարությունյանը:
Ըստ նրա, մաքսային կառույցները ներմուծվող ապրանքների նկատմամբ խիստ վերահսկողություն են իրականացնում։
«Վերջերս մենք կանխել ենք ադրբեջանական ծագման մի շարք ապրանքների ներմուծման փորձերը, մասնավորապես, աղի և կաթի փոշու», - ասել է Հարությունյանը, գրում է Arka.am-ը:
Նա նշել է, որ արտադրանքն ուղարկվել է փորձաքննության, մեղավորները կպատժվեն:
Միաժամանակ, նա ընդգծել է, որ հանձնաժողովն ավելի վաղ հայտնաբերել էր ադրբեջանական խնձորի ներմուծումը Հայաստան, այդ ապրանքի հայկական շուկայում հայտնվելու համար մեղավորներն արդեն ստացել են իրենց պատիժը:
ՀՀ պետական եկամուտների կոմիտեն օրեր առաջ կանխել էր մի շարք ադրբեջանական ծագման ապրանքների
ներկրումը Հայաստան։ «Բավրա» մաքսակետի աշխատակիցները Վրաստանից Հայաստան եկող ավտոմեքենաներում հայտնաբերել էին ադրբեջանական ծագման ավելի քան կես տոննա կերակրի աղ և թեյ:
Գյուղատնտեսական տարբեր ապրանքների, այդ թվում` ադրբեջանական ծագման խնձորի ապօրինի ներմուծման և ՀՀ ԿԱ ՊԵԿ աշխատակիցների կողմից կաշառք ստանալու դեպքերի վերաբերյալ քննվող քրեական գործերի շրջանակում ձերբակալվել է ՊԵԿ նախաբացթողումային հսկողության վարչության Բագրատաշենի բաժանմունքի ևս մեկ մաքսային տեսուչ: