Երևանում Linkin Park խմբի ինքնասպան եղած մեներգիչ Չեսթեր Բենինգթոնի հիշատակին 2 միջոցառում կանցկացվի։
Հուլիսի 29-ին LOFT կենտրոնում տեղի կունենա Բենինգթոնի հիշատակին ակուստիկ համերգ։ Alternativ խումբը Linkin Park-ի սիրված երգերի քավերներ կկատարի։ Համերգը կսկսվի ժամը 20:00-ին։
Երկրորդ միջոցառումը տեղի կունենա օգոստոսի 3-ին «Էօն» ժամանցի կենտրոնում: Խմբի երկրպագուները կհավաքվեն՝ զրուցելու խմբի ու Բենինգթոնի, LP-ի երգերի և թողած երաժշտական ժառանգության մասին։
Բենինգթոնն ինքնասպան է եղել հուլիսի 20-ին Լոս Անջելեսում։ Երաժիշտը 41 տարեկան էր: