Բեռլինում հայկական 15նորարարական ստարտափ է ներկայացվել գերմանական լսարանին: Միջոցառումը կազմակերպվել էր Եվրոպական Միության, Գերմանական միջազգային համագործակցության ընկերության (GIZ) աջակցությամբ:

Հայաստանից ժամանած երիտասարդները գերմանական մասնագիտացված լսարանին և գործարար շրջանակներին են ներկայացրել տարբեր ոլորտներում իրենց կողմից մշակված նորարարական լուծումները:

Միջոցառման բացման արարողությանն ունեցած իր ելույթում դեսպան Աշոտ Սմբատյանը շնորհակալություն է հայտնել ԵՄ պատկան կառույցներին և GIZ-ին՝ Հայաստանի ՏՏ ոլորտի հարուստ պոտենցիալը Բեռլինում ներկայացնելու հնարավորություն ընձեռնելու համար: Դեսպանը նշել է, որ ՏՏ ոլորտի զարգացումը կարևորվում է ՀՀ կառավարության կողմից` ստանալով զգալի աջակցություն և ուրախալի է այն փաստը, որ հայկական ձեռնարկություններն արդեն լուրջ հաջողություններ են գրանցում այս բնագավառում, հայտնում է ԱԳՆ մամուլի ծառայությունը:

Ընթերցեք նաև.Mitsubishi-ն, Ericsson-ը և Hitachi-ն՝ ԴիջիԹեք 2017-ի մասնակիցներ