Լիբանանի մայրաքաղաք Բեյրութի Բուրջ Համուդ հայկական թաղամասում կկանգնեցվի Սարգիս Դուդակյանի հուշարձանը, որը տարիներ շարունակ թերթերի և լրագրերի ցրիչ է եղել՝ զբաղվելով դրանով նաև տարեց հասակում:
Բեյրութի հայերի շրջանում նա ավելի հայտնի էր որպես Ապոլո: Սարգիս Դուդակյանը սկսել է թերթեր ցրել դեռ մանուկ հասակից՝ շարունակելով նաև հասուն տարիքում: Նա արել է դա նույնիսկ Քաղաքացիական պատերազմի տարիներին՝ ժամանակին հասցնելով թերթերը բաժանորդներին, գրում է Rusarminfo-ն:
Հուշարձանը կկանգնեցվի Բեյրութում հրատարակվող Ազդակ օրաթերթի 90-ամյակի կապակցությամբ: Հուշարձանի հեղինակն է Վարդան Ավեսյանը:
Շինարարական աշխատանքներն իրականացնում են քաղաքային իշխանությունները: