Բրենդավորման և գծանկարային դիզայնի հայկական Backbone Branding ստուդիան արժանացել է PENTAWARDS հեղինակավոր միջազգային մրցույթի գլխավոր մրցանակին «Կերակուր» անվանակարգում:
Այս բարձրագույն մրցանակը դիզայներական շրջապատում համեմատում են «Օսկարի» հետ, հայտնում է Rusarminfo-ն: Ստուդիային միջազգային ճանաչում է բերել #Pchak նախագիծը, որը դեռևս հայտնի չէ հաճախորդների լայն շրջանակին:
«Կերակուր» անվանակարգում ոսկե արձանիկը հայ դիզայներներին է հանձնվել ընկույզի և չամիչի փաթեթավորման դիզայնի համար:
Pentawards 2017 մրցանակաբաշխությունը տեղի է ունեցել իսպանական Բարսելոնայում սեպտեմբերի 23-ին: