Հայտնի ամերիկահայ ռոք երաժիշտ, System of a Down-ի մենակատար Սերժ Թանկյանն Instagram-ի իր էջում լուսանկարներ է հրապարակել Հայոց ցեղասպանության մասին նոր ֆիլմի թրեյլերից՝ հորդորելով դիտել այն:
«Դիտեք Intent to Destroy («Բնաջնջման մտադրությունը») ֆիլմի այս հզոր թրեյլերը՝ սա իրապես ցեղասպանության մասին արդիական պատմություն է, որը նկարահանել է «Էմմիի» և «Օսկարի» հավակնորդ ռեժիսոր Ջո Բերլինգերը: Սա իրոք վերջին շրջանում իմ տեսած ամենահզոր ֆիլմերից է: Ինձ համար մեծ պատիվ էր երաժշտություն գրել ֆիլմի համար»,-գրել է Թանկյանը:
Intent to Destroy («Բնաջնջման մտադրությունը») փաստագրական ֆիլմի համաշխարհային պրեմիերան տեղի կունենա Նյու Յորքում նոյեմբերի 10-ին՝ Թրայբեքի միջազգային կինոփառատոնի շրջանակում: