Հայ սամբիստները 8 մեդալ են նվաճել Սերբիայի Նովի-Սադ քաղաքում անցկացված Սամբոյի պատանիների և երիտասարդների առաջնությանը: Նրանք ստացել են չորս բրոնզե, երեք արծաթե և մեկ ոսկե մեդալ:
Պատանիների թվում մրցանակակիրներ են դարձել Արմեն Նիկողոսյանը (56 կգ)` արծաթ, Բորիս Շատվերյանը (75 կգ)՝ արծաթ, Նարեկ Համբարձումյանը (87 կգ) `բրոնզ:
Երիտասարդների շրջանում մեդալներ են նվաճել Ֆելիքս Դանիելյանը (48կգ)`բրոնզ, Արթուր Մանուկյանը (52 կգ)՝ բրոնզ, Վահագն Չալյանը (82կգ)`բրոնզ, Գրիգոր Սահակյանը (90 կգ)` ոսկի:
Աղջիկներից արծաթ է նվաճել Աննա Մկրտչյանը (+80 կգ), հայտնում է Հայաստանի սամբոյի ֆեդերացիան:
Մեծահասակների աշխարհի առաջնությունը տեղի կունենա նոյեմբերի 9-13-ը Սոչի քաղաքում: