Նոյեմբերի 13-ին Եվրոպական խորհուրդը Հարավային Կովկասի և Վրաստանի ճգնաժամի հարցերով ԵՄ հատուկ նոր ներկայացուցիչ է նշանակել: Այդ պաշտոնը Հերբերտ Զալբերի փոխարեն կստանձնի Տոիվո Կլարը:
ԵՄ ներկայացուցչի խնդիրն է լինելու նպաստել տարածաշրջանում հակամարտությունների, մասնավորապես Լեռնային Ղարաբաղի և Վրաստանի, հակամարտությունների կարգավորմանը, ինչպես նաև խթանել տարածաշրջանային համագործակցությունը:
Տոիվո Կլարը ներկայումս Արտաքին կապերի եվրոպական ծառայության Կենտրոնական Ասիայի բաժնի ղեկավարն է:
Դեսպան Հերբերտ Զալբերը Հարավային Կովկասի և Վրաստանի ճգնաժամի հարցերով ԵՄ հատուկ նոր ներկայացուցչի պաշտոնը զբաղեցնում էր այն 2014-ի հուլիսի 8-ից: ԵՄ հատուկ ներկայացուցիչը ԵՄ անունից մասնակցում է Ժնևի միջազգային քննարկումներին՝ Վրաստանի հակամարտության վերաբերյալ:
