18 նոյեմբերի 2017 - 11:20 AMT
Նոր երկրաշարժ Ադրբեջանում. Ցնցումները զգացվել են նաև Արցախում և ՀՀ-ում

Նոյեմբերի 17-ին, տեղական ժամանակով ժամը 17:27-ին (Գրինվիչի ժամանակով` 13:27-ին) նոր 4.5 մագնիտուդով երկրաշարժ է տեղի ունեցել Ադրբեջանի Աղջաբերդ քաղաքից 20 կմ հյուսիս-արևմուտք: Ստորգետնյա ցնցման ուժգնությունը էպիկենտրոնում կազմել է5-6 բալ, որը նոյեմբերի 15-ին տեղի ունեցած երկրաշարժի հետցնցումն է և համեմատաբար ավելի թույլ է, քան մայր ցնցումը:

Երկրաշարժը զգացվել է Արցախում՝ 3-4 և ՀՀ հարավ-արևելյան շրջաններում 3 բալ ուժգնությամբ:

Օջախի խորությունը 10 կմ է:

ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից երկրաշարժը գրանցվել է հյուսիսային լայնության 40.100 և արևելյան երկայնության 47.250 աշխարհագրական կոորդինատներով: