«Մանչեսթեր Յունայթեդի» գլխավոր մարզիչ Ժոզե Մոուրինյոն հայտարարել է, որ Պրեմիեր լիգայի մրցափուլում «Նյուքասլ Յունայթեդի» հետ հանդիպմանը կիսապաշտպան Հենրիխ Մխիթարյանը չի խաղացել «մարտավարական նկատառումներից ելնելով»:
Բրիտանական Mirror-ի փոխանցմամբ, Հայաստանի ազգային հավաքականի ֆուտբոլիստը վերջին շրջանում լավ մարզավիճակում չէ, ինչի հետևանքով «կարմիր սատանաների» մարզիչը որոշել է այս սեզոնում առաջին անգամ խաղադաշտ թողնել Էնթոնի Մարթիալին և Մակրուս Ռաշֆորդին:
Մոուրինյոն անդրադարձել է նաև խաղադաշտում Էրիկ Բեյլիի բացակայությանը: Ըստ նրա՝ 23-ամյա ֆուտբոլիստը չի խաղացել վնասվածքի պատճառով:
Նոյեմբերի 18-ին կայացած ՄՅՈւ-«Նյուքասըլ Յունայթեդ» հանդիպմանը «կարմիր սատանաները» 4-1 հաշվով հաղթանակ են տարել մրցակցի նկատմամբ: