Ռուսաստանում հաստատվել է ՌԴ նախագահին կից Գիտության և կրթության խորհրդի նոր կազմը, որտեղ 3 հայկական ազգանուն կա՝ Ավետիսյան, Օգանով և Պողոսյան:
Խորհրդի նոր կազմում են ընդգրկվել ՌԴ ԳԱԱ Իվաննիկովի անվան Համակարգային ծրագրավորման ինստիտուտի տնօրեն, ՌԳԱ թղթակից-անդամ Հարություն Ավետիսյանը, Գիտության և տեխնոլոգիաների Սկոլկովոյի ինստիտուտի պրոֆեսոր Արտյոմ Օգանովը և ՌԳԱ Մոսկվայի Ավիացիոն ինստիտուտի ռեկտոր Միխայիլ Պողոսյանը:
Խորհուրդը զբաղվում է ՌԴ նախագահի համար պետական գիտատեխնիկական և նորարարական քաղաքականության գերակա ուղղությունների վերաբերյալ առաջարկությունների մշակմամբ։ Խորհուրդը նաև կանոնավոր կերպով տեղեկացնում է ՌԴ նախագահին երկրում գիտության, տեխնոլոգիաների և կրթության ոլորտում իրավիճակի մասին, առաջարկներ է մշակում ՌԳԱ և մասնաճյուղային ինստիտուտների փոխգործակցության ուղղությամբ արտերկրի և միջազգային գիտական և կրթական կազմակերպությունների հետ:
