ՌԴ Ռոսսելխոզնադզորը հետ է վերադարձրել Ադրբեջանից ՌԴ ներկրվող լոլիկի խմբաքանակը: Տեսուչները կասեցրել են մոտ 20 տոննա թարմ լոլիկի ներկրումը:
Գյուղմթերքի ներմուծման կասեցման պատճառն, ըստ տեսուչների, կեղծված փաստաթղթերն են եղել: Փաստաթղթերում նշված չեն եղել ապրանքի մասին վստահելի տեղեկություններ, ինչպես նաև ներկայացվել են կեծված հավաստագրեր, ինչը կարող էր ՌԴ կարանտինային օբյեկտների ներկրման պատճառ դառնալ, գրում է Aif.ru-ն:
Ըստ աղբյուրի, Ռոսսելխոզնադզորը որոշում է կայացրել վերադարձնել բեռը արտահանող երկիր:
Ավելի վաղ հայտնի դարձավ, որ Ռուսաստանը կասեցրել է 20 տոննա ադրբեջանական թութունի ներկրումը: Ադրբեջանական արտադրության թութունը զննվել է Ռոսսելխոզնադզորի Դաղստանի վարչության կարանտինային և ֆիտոսանիտարական հսկողության պետական տեսուչների կողմից:
ՌԴ սահմանային հսկողության մարմինները նոյեմբերի սկզբին թույլ չէին տվել մուտքը նուռով, լոլիկով և վարունգով բեռնված ադրբեջանական մի քանի բեռնատարի: Հետ ուղարկված բեռի քաշը կազմել է 52,5 տոննա: