Հայաստանը հայտնվել է ԱՊՀ-ի ամենակայուն և հաջողակ երկրների լավագույն եռյակում՝ ռուսաստանցիների շրջանում Հանրային կարծիքի հետազոտության համառուսաստանյան կենտրոնի անցկացրած հարցման արդյունքում:

Հարցվածները պատասխանել են մի շարք հարցերի այն մասին, թե ԱՊՀ-ի որ երկիրն են համարում առավել հաջողակ, որն են դիտարկում որպես ՌԴ առավել վստահելի գործընկեր, ինչպես նաև, թե որ երկրի առաջնոդին են ավելի շատ վստահում:

Հարցման արդյուքնում 60%-ով առաջին հորիզոնականում Բելառուսն է, երկրորդում՝ Ղազախստանը՝ 57%-ով, և երրորդում՝ Հայաստանը՝ 16%-ով:

Ադրբեջանը 14%-ով չորրորդ տեղում է: Վրաստանը վերջին յոթ տարիների մեջ ստացել է հարցվածների ռեկորդային՝ 10%-ի համակրանքը՝ եզրափակելով լավագույն հնգյակը:

Հարցվածների 11%-ն է միայն վստահում Հայաստանի առաջնորդ Սերժ Սարգսյանին. նա չորրորդ տեղն է զբաղեցնում ԱՊՀ երկրների ամենավստահելի առաջնորդների շարքում: Առաջին տեղում Բելառուսի նախագահ Ալեքսանդր Լուկաշենկոն է՝ 62%-ով, երկրորդում՝ Ղազախստանի առաջնորդ Նուրսուլթան Նազարբաևը՝ 56%, երրորդում 12%-ով Ադրբեջանի նախագահ Իլհամ Ալիևն է: