Փետրվարի 23-ին ՀՀ ոստիկանություն բերման ենթարկված ՀՀ գլխավոր դատախազի նախկին տեղակալ Գագիկ Ջհանգիրյանը եւ նրա եղբայր Վարդան Ջհանգիրյանը կալանավորված են: Ինչպես հաղորդել է ՀՀ ոստիկանության մամլո ծառայությունը, Գագիկ Ջհանգիրյանին մեղադրանք է առաջադրված ՀՀ քր. օր.-ի 235 հոդվածի (ապօրինի կերպով զենք, զինամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին եւ 316 հոդվածի (իշխանության ներկայացուցչի նկատմամբ բռնություն գործադրելը) 1-ին մասերով: Վարդան Ջհանգիրյանին մեղադրանք է առաջադրված ՀՀ քր. օր.-ի 316 հոդվածի (իշխանության ներկայացուցչի նկատմամբ բռնություն գործադրելը) 2-րդ մասով: