«Բարսելոնայի» ավագ Անդրես Ինյեստան մերժել է 2018-ի հունվարի համար չինական ակումբներից ստացած առաջարկները: Ըստ Mundo Deportivo-ի, 33-ամյա ֆուտբոլիստին Չինաստանում պատրաստ էին մի քանի անգամ ավելի վճարել, քան նա ստանում է կատալոնական ակումբում:
Սակայն Ինյեստան մտադիր չէ հեռանալ «Բարսելոնայից», որի գլխավոր մարզիչ Էռնեստո Վալվերդեն վստահում է վետերանին, գրում է championat.com-ը:
Ընթացիկ խաղաշրջանում Ինյեստան «Բարսելոնայի» կազմում մասնակցել է 17 հանդիպման բոլոր մրցաշարերում՝ դառնալով 1 գոլի և 1 գոլային փոխանցման հեղինակ:
Հոկտեմբերին հայտնի դարձավ, որ Ինյեստան պայմանավորվածության է հասել «Բարսելոնայի» հետ մինչև կարիերայի ավարտը պայմանագիր կնքելու հարցում:
Պայմանագիր կնքելուց հետո կիսապաշտպանը հայտարարեց. «Ես սիրում եմ «Բարսելոնան» և այնքան կխաղամ ակումբի կազմում, մինչև որ իմ մարմինն ու ուղեղը չասեն՝ բավական է»:
