ԱՄՆ Հյուսիսային Կարոլինայի Shallotte River Swamp Park ազգային արգելոցում մի քանի ալիգատոր անոմալ ցուրտ եղանակի պատճառով պատվել է սառույցով: Այդ մասին ասվում է արգելոցի ֆեյսբուքյան էջում:
Ինչպես ասել է արգելոցի տնօրեն Ջորջ Հովարդը Wect պարբերականին, ալիգատորները քուն են մտել, դուրս թողնելով միայն քիթը, որպեսզի հնարավոր լինի շնչել: Ըստ նրա, նման դեպքերում կենդանիները նվազեցնում են մարմնի ջերմությունն ու դանդաղեցնում նյութափոխանակությունը, գրում է Lenta.ru-ն:
Երբ սառույցը հալվի, ըստ Հովարդի, ալիգատորները կսկսեն մարմնի ջերմառեգուլյացիան: «Դա գոյատևման ցնցող տեխնիկա է»,-ասել է տնօրենը՝ հավելելով, որ նախկինում երբեք նման բան չի տեսել:
Վերջին շրջանում ԱՄՆ արևելյան ափին անսովոր ցուրտ եղանակ է հաստատվել: Որոշ քաղաքներում օդի ջերմաստիճանը նվազել է մինչև 30 աստիճան, տասնյակ մարդիկ են մահացել:
