ԱՄՆ ոստիկանության լեյտենանտ Լյուդմիլա Աբրահամյանը Գլենդեյլ քաղաքից $550.000 կստանա որպես փոխհատուցում սեռական հատկանիշով խտրականության վերաբերյալ հայցով:
Աբրահամյանը դատարան էր դիմել 2016-ի մայիսին, քանի որ, դարձել էր Գլենդեյլի ոստիկանության բաժնի նախկին պետ Ռոբերտ Կաստրոյի կանխակալ վերաբերմունքի զոհը: 2015-ի դեկտեմբերին նրա պաշտոնը չէին բարձրացրել՝ չտալով կապիտանի կոչում հենց սեռի պատճառով, գրում է «Նովոստի Արմենիան » Los Angeles Times-ի վրա հղումով:
Հայցվորը նշել է, որ ինքն իր որակավորմամբ եղել է լավագույն թեկնածուների շարքում:
Քաղաքային դատարանի որշմամբ հաստատված փոխհատուցման մեջ ներառվել է նաև $66.000 աշխատավարձը, $264.000-ը՝ որպես փոխհատուցում նրա էմոցիոնալ հուզումների համար, և ևս $220.000՝ փաստաբանի ծառայությունների համար:
Հայտնի է նաև, որ դատարանի որոշումից հետո Աբրահամյանը հեռացել է ԱՄՆ ոստիկանության շարքերից: