Հարավկորեական հիվանդանոցում բռնկված հրդեհից 41 մարդ է զոհվել: Տուժել է 80-ից ավելի մարդ, մոտ 10-ը՝ ծանր վիճակում է:
Հրդեհը բռնկվել է հունվարի 26-ին տեղի ժամանակով 7:32-ին, թագավոր Սեջոնի անվան 6-հարկանի հիվանդանոցում, որը գտնվում է Քյոնսան-Նամդո գավառի Միլյան քաղաքում, գրում է Deutsche Welle-ն AFP-ի վրա հղումով:
Բռնկումը տեղի է ունեցել առաջին հարկում գտնվող շտապ օգնության բաժանմունքում, այդ պահին հիվանդանոցում 200 մարդ է եղել: փրկարարներին հաջողվել է մարել կրակը 2 ժամ անց:
Երկրի նախագահ Մուն Չժե Ինը արտահերթ խորհրդակցություն է հրավիրել և պահանջել է անհապաղ հետաքննել բռնկման պատճառները: