Փետրվարի 12-ին չորս թուրք գյուղացի Կարսի նահանգի Դիգոր շրջանում իրենց ձիերին փնտրելիս հայտնվել են արգելված ռազմական գոտում: Այս մասին հայտնում է թուրքական Hurriyet պարբերականը:
Նրանք գտնվել են Արփա գետի ափամերձ տարածքում և հայտնաբերվել են թուրքական ժանդարմների կողմից:
Աղբյուրը հայտնում է նաև, որ նույն օրը հայտնաբերվել է ևս մեկ սահմանախախտ, որը գետում ձուկ բռնելիս է եղել: Նրան բռնել են հայաստանյան կողմի սահմանապահները:
Ավելի ուշ, երկու կողմերի սահմանապահների բանակցությունների արդյունքում ձկնորսին հանձնել են թուրքական կողմին: Ազատ են արձակվել նաև չորս թուրք գյուղացիները: